Velosıped maýsymynyń bastalýyna oraı Nur-Sultan qalasynyń Mádenıet jáne sport basqarmasy jol erejelerin túsindirý boıynsha brıfıng ótkizdi.
«14 jastan asqan velosıpedshilerdiń qozǵalysy arnaıy velosıped jolymen, serýen jolymen nemese arnaıy baǵandy jolaqpen júzege asyrylýy kerek. Jaıaý júrginshiler joldaryndaǵy qozǵalys arnaıy jolaqtar bolmaǵan jaǵdaıda nemese olardyń boıymen júrý múmkin bolmaǵan jaǵdaıda, sondaı-aq, joldyń oń jaq shetinde nemese jol shetinde júrý múmkin bolmaǵan jaǵdaıda ruqsat etiledi. Jaıaý júrginshiler ótkelinde velosıpedshi kóligin jetektep alyp ótýi tıis», - dedi PD ákimshilik polısııa basqarmasynyń basshysy Baqyt Qurmanǵalıev.
«Elordada velosıpedshiler sany jyldan-jylǵa artyp keledi. Men barlyq avtokólik ıelerin bir-birin jáne velosıpedshini qurmetteýge, jol qozǵalysy erejelerin saqtaýǵa shaqyramyn. Velosıped te jol qozǵalysyna qatysýshy kólik», – dedi №6 Olımpıadalyq rezervtiń mamandandyrylǵan jasóspirimder sport mektebiniń basshysy Nurjan Áýbákirov.
Búgingi tańda qalada velosıped jolynyń jalpy uzyndyǵy 54 shaqyrymdy quraıdy.