«Rýhanı jańǵyrý» baǵdarlamasyndaǵy basym baǵyttardyń biri – «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda zamanaýı ıgilikterdi ıgerip, óskeleń urpaqty bilimniń bıigine jeteleýdi maqsat ete otyryp, álem tilderinen dúnıejúzi tarıhy, ádebıet teorııasy, halyqaralyq quqyq jáne bıznes, qazirgi zamanǵy pedagogıka, óner tarıhy, ınternet psıhologııasy, strategııalyq menedjment, marketıng negizderi, uıymdyq minez-qulyq, medıa jáne bıznes-kommýnıkasııa, adam resýrstaryn basqarý, dıplomatııa, orıntalızm jáne semıosfera boıynsha QR Bilim jáne ǵylym mınıstrliginiń tapsyrysymen aýdarylǵan jańa oqýlyqtar tanystyryldy.
Ál-Farabı atyndaǵy QazUÝ kitaphanasynda ótken konferensııa barysynda
QR Prezıdenti ákimshiligi Ishki saıasat bóliminiń meńgerýshisi, «Rýhanı jańǵyrý» baǵdarlamasyn júzege asyrý jónindegi ulttyq komıssııa hatshysy Aıda Balaeva 30 oqýlyqtan turatyn bıylǵy jańa oqýlyqtar toptamasy qazaqstandyq oqý oryndarynyń mazmundyq áleýetin tanymal álemdik ýnıversıtetter deńgeıine shyǵarýǵa bastaǵan ıgi qadam dep ótti.
«Ulttyq aýdarma bıýrosynyń» málimeti boıynsha, «MakGroHıl» baspasynan shyqqan 2 tomdyq «Panorama: dúnıejúzi tarıhy» oqýlyǵy tarıhty oqytýda bizde qalyptasqan formasııalyq ustanym men uǵymdy buzyp, adamzat damýyn biz úshin múlde jańa turǵydan tanystyrady.
Batys ádebıetshileri daıyndaǵan, kirispe jáne 4 tomdyq antologııadan turatyn «Ádebıt teorısıa» toptamasy ádebıettanýdy basqa salalarmen baılanystyra otyryp, oǵan anaǵurlym keń kózqaras qalyptastyrady. Jınaq ádebıettegi orys formalızmi, strýktýralızm, fenomenologııa, poststrýktýralızm, psıhoanalız uǵymdary, postotarshyl jáne tansulttyq tanym týraly túsinik berse, Bedeldi zańger maman, ári tanymal ǵalym Malkolm Shonyń 2 tomdyq «Halyqaralyq quqyq» oqýlyǵy osy saladaǵy dúnıe júzi tanyǵan asa qundy kitaptyń biri. Oqýlyq halyqaralyq quqyq salasyna sholý jasaıdy, quqyq júıelerin salystyra otyryp, saladaǵy teorııa men tájirıbe jaıly jan-jaqty túsinik qalyptastyrady.
Jańa zamanǵa laıyq pedagog mamandar daıyndaýǵa qajet oqýlyqtar qatarynda «Oqytý teorııasy: bilim berý kókjıegi», «Pedagogıkany sıflyq dáýirde qaıta zerdelý» jáne kópshilik oqyrmanǵa asa qyzyqty bolatyn Kembrıdj ýnıversıteti daıyndaǵan «Internet psıhologııasy» oqýlyqtarymen qatar ekonomıka jáne kásipkerlik baǵyttaǵy bilim berýge qajetti oqýlyqtar bar.
Aýdarma jumysyna Qazaqstannyń aldyńǵy qatarly oqý oryndarynyń ǵalymdary, tájirıbeli aýdarmashylar, tilshi jáne ádebıetshi-redaktorlardan turatyn úsh júzden astam maman tartylǵan. Oqýlyq mátinderi birneshe márte ádebı jáne ǵylymı redaksııadan ótti. Joba aıasynda álemdegi oqýlyq shyǵarýǵa mamandanǵan «Cambridge University Press», «Oxford University Press», «Pearson», «Cengage», «Penguin Random House», «McMillan» jáne basqa da iri halyqaralyq baspa úılerimen áriptestik qarym-qatynas ornady. halyqaralyq baspa úılerimen áriptestik qarym-qatynas ornady.