Qarqyny qarymdy synaq

Sársenbi, 7 qarasha 2012 7:31

Qazirgi ýaqytta elimizde quqyq qorǵaý organdary qyzmetkerlerin kezekten tys attestattaý qar­qyn­dy júrgizilýde. Halyq onyń qo­ry­tyndysy boıynsha meılinshe kásibı, saýatty jáne moraldyq jaǵynan turaqty qyzmetkerler qyzmet isteıtin bolady dep kú­týde. Bul úshin Joǵary attestattaý komıssııasy quryldy. Al­ǵash­qy kezeńde barlyq quqyq qor­ǵaý organdarynyń joǵary laýazymdy tulǵalary attestattaýdan ótti, odan keıingi kezeń ortalyq deń­geıdi, al úshinshi kezeńde aımaq­tyq organdar qyzmetkerleri attestattaýdan ótýde. Bul jumys jyl sońyna deıin aıaqtalýǵa tıis. Qa­zir­gi kezeńniń ózinde quqyq qorǵaý organdarynyń jumysy jaqsara bastaǵany baıqalady.

Sársenbi, 7 qarasha 2012 7:31

Qazirgi ýaqytta elimizde quqyq qorǵaý organdary qyzmetkerlerin kezekten tys attestattaý qar­qyn­dy júrgizilýde. Halyq onyń qo­ry­tyndysy boıynsha meılinshe kásibı, saýatty jáne moraldyq jaǵynan turaqty qyzmetkerler qyzmet isteıtin bolady dep kú­týde. Bul úshin Joǵary attestattaý komıssııasy quryldy. Al­ǵash­qy kezeńde barlyq quqyq qor­ǵaý organdarynyń joǵary laýazymdy tulǵalary attestattaýdan ótti, odan keıingi kezeń ortalyq deń­geıdi, al úshinshi kezeńde aımaq­tyq organdar qyzmetkerleri attestattaýdan ótýde. Bul jumys jyl sońyna deıin aıaqtalýǵa tıis. Qa­zir­gi kezeńniń ózinde quqyq qorǵaý organdarynyń jumysy jaqsara bastaǵany baıqalady.

Bul oraıda Memleket basshysy elimizdiń quqyq qorǵaý júıesi qyzmetiniń tıimdiligin arttyrýǵa baǵyttalǵan qyzmetkerlerdi kezekten tys attestattaýdyń mańyz­dylyǵyn atap ótti. Attestattaý qorytyndysy boıynsha, quqyq qorǵaý organdary qyzmetkerlerin áleýmettik qamsyzdandyrýdy edá­ý­ir jaqsartý jáne eńbekaqylaryn aıtarlyqtaı arttyrý máselesi qa­rastyrylatyn bolady. Halyq­aralyq tájirıbeni taldaýdy eskere otyryp, attestattaýdyń úsh deń­geıli satysy anyqtaldy.Kezekten tys attestattaýdyń negizgi maqsaty – quqyq qorǵaý organdary qyzmetkerleriniń kási­bı, áskerı jáne dene shynyqtyrý daıyndyǵynyń deńgeıin tekserý, óz qataryn quzyretti emes qyz­metkerlerden jáne moraldyq-adamgershilik sıpaty tómen, sybaılas jemqorlyq kórinisterine jáne ózge de teris qylyqtarǵa beıim adamdardan tazartý. Árbir attestattalatyn adam boıynsha kadrlyq sheshim áńgimelesý nátı­jeleri boıynsha derbes qabyl­danady, onyń barysynda qyzmet ótkerý, testileýden ótý, kásibı jaramdylyqqa arnalǵan norma­tıv­terdi tapsyrý nátıjeleri jáne arnaıy tekserý materıaldary tal­danady. Osyǵan oraı attes­tat­taýdyń maqsaty – quqyq qorǵaý júıesi qyzmetkerleriniń kásibı daıyndyq deńgeıin jáne olardyń qazirgi zamanǵy talaptarǵa sáı­kestigin anyqtaý, organdardy mo­raldyq-adamgershilik qasıetteri tómen jáne jemqorlyq áreketi arqyly jalpy memlekettiń be­delin túsiretin biliksiz qyzmet­kerlerden tazartý bolyp tabylady.Attestattaýdy ótkizý ereje­si­ne sáıkes, elimizde quramynda 500-den astam adam bolatyn 9 ortalyq jáne 104 aımaqtyq attes­tattaý komıssııalary quryldy. Barlyq komıssııa quramyna jurt­shylyqtyń, partııalardyń, ardagerler uıymdary men BAQ ókil­deri kirdi. Attestattaýdan ótken tulǵalar týraly jurtshylyq pi­kirin eskerý úshin Prezıdenttiń resmı saıtynda arnaıy aıdar ashyldy.Joǵaryda aıtqanymyzdaı, kezekten tys attestattaý jónindegi barlyq jumystar úsh kezeń boıynsha júrgizilip, aǵymdaǵy jyl­dyń sońynda aıaqtalýǵa tıis. Birinshi kezeńde Joǵary attestattaý komıssııasynda attestattaýdan ótýge jatatyn qyzmetkerler synaldy. Bular quqyq qorǵaý organdary basshylarynyń orynbasarlary, vedomstvolar men aýmaqtyq bólimsheler basshylary, sonymen qatar, olardyń orynbasarlary, joǵary oqý oryndary basshylary men ortalyq attestattaý komıs­sııa­laryna kandıdattar. Ekinshi ke­zeńde ortalyq attestattaý komıssııalarynda atalǵan synaqtan ótý­ge jatatyn qyzmetkerlerdi attes­tattaý ótkizildi. Bul adamdar­dyń tizimin tıisti quqyq qorǵaý or­gany­nyń basshysy anyqtady. Olardyń qatarynda – óńirlik attestattaý komıssııasyna kandıdattar bar. Úshin­shi kezeńde óńirlik attestattaý komıssııalary aýmaq­tyq organ­dardyń jeke quramyn attestattaýdan ótkizýde. Sóıtip, jeltoqsan aıynda Memleket basshysyna ót­kizilgen attestattaý qorytyndysy týraly baıandama ázirlenbek.Kezekten tys attestattaýlardy uıymdastyrý jáne ótkizý barysynda formaldylyqqa, birjaq­ty­lyqqa, tamyr-tanystyqqa jol bermeý asa mańyzdy. Ár qyz­met­ker­diń quqyqtary saqtalýyna ke­pildik berip jáne árqaısysyna derbes turǵydan kelýdi qaras­ty­ryp, barlyq úderisterdiń ashyq­tyǵy men shynaıylyǵyn qamta­masyz etý qajet. Bárinen buryn kezekten tys attestattaýdan Qa­zaqstan azamattary ne kútetinine nazar aýdarǵan jón. Eń aldymen, bul quqyq qorǵaý organdarynyń jeke quramyn bilikti, adal, óz mamandyǵyn ardaqtaıtyn qyzmet­kerlermen, adamnyń quqyǵy men zańdy múddelerin joǵary deń­geıde qorǵaýǵa qabiletti óz eliniń patrıottarymen sapalyq turǵyda jańartý.Sóıtip, attestattaýdyń ma­ńyz­dy maqsatynyń biri – quqyq qor­ǵaý organdary qyzmetker­le­riniń jańa býynyn daıarlaýǵa tyń serpin berý ekendigin esten shy­ǵar­maǵan abzal. О́ıtkeni, bul min­detti oryndaý moral normalaryna, adamgershilikke jáne trans­parenttilikke negizdelgen jumys qaǵıdattaryn keńinen taratýǵa septigin tıgizetin bolady.

Aleksandr TASBOLATOV,«Egemen Qazaqstan.