Bir toıdaǵy úsh erekshelik

Seısenbi, 27 qarasha 2012 6:55

Jaqynda elordamyzdaǵy meı­ramhanalardyń birinde Qunypııa men Aqbópe Alpysbaevtardyń nemeresi – Abdýlǵafızdiń súndet toıyna 150-ge jýyq qonaqtyń biri retinde qatysqanymyz bar. Alys-jaqynnan qutty bolsyn aıtyp, arnaıy kelgen kópshilik ásem án men kúmbirlegen kúı tyńdap, konsert kórip  otyrǵandaı bir dem­alyp qaıtty. Toı ıelerine rıza bolyp tarqasty.

Seısenbi, 27 qarasha 2012 6:55

Jaqynda elordamyzdaǵy meı­ramhanalardyń birinde Qunypııa men Aqbópe Alpysbaevtardyń nemeresi – Abdýlǵafızdiń súndet toıyna 150-ge jýyq qonaqtyń biri retinde qatysqanymyz bar. Alys-jaqynnan qutty bolsyn aıtyp, arnaıy kelgen kópshilik ásem án men kúmbirlegen kúı tyńdap, konsert kórip  otyrǵandaı bir dem­alyp qaıtty. Toı ıelerine rıza bolyp tarqasty.

Árıne, qazaqta toı kóp – shildehana toıynan bastalyp, júzjyl­dyq mereıtoıǵa deıin jalǵasa beredi. Bolsyn, oǵan eshkimniń qar­sy­lyǵy joq. Basty másele, toıdyń qalaı ótkizilýinde bolsa kerek. Al Abdýlǵafızdiń súndet toıynyń toı jasaýshy ata-ananyń, jalpy, kópshiliktiń qaperinde júretindeı ózindik erekshelikteri boldy.

Birinshi, ári eń basty ereksheligi – toı dastarqanyna araq-sharap sekildi ishimdik ataýly qoıylmady. Olardyń ornynda qymyz ben shu­bat, basqa da sýsyndar turdy. «Araq-sharap nege joq?» – degen sózder de estilmedi. Ekinshi – toı án-jyrsyz ótpeıtini belgili. Kóp­shi­lik toılarda sheteldiń ánderi men bılerine basymdyq berilip ja­tatyny jasyryn emes. Bul toıda sheteldiń birde-bir áni oryn­dal­ma­dy. Onyń esesine, ánshi-domby­ra­shylar qazaqtyń dástúrli ánde­rin kóbirek shyrqady, jastar «Qa­ma­jaı» men «Qarajorǵaǵa» bıledi.

Úshinshi ereksheligi – toıdyń óz ýaqytynda bastalýy men aıaq­ta­lýy. Jeksenbi kúni bolǵandyqtan shyǵar, qonaqtar saǵat 14.00-ge sha­qyrylǵan eken. Toıdyń bastalýy kóp keshikpedi, saǵat 14.30-da qos órkeshti «aq túıege» mingen Abdýl­ǵa­fız qolyna segiz órim qamshyny búkteı ustap, meıramhana zalyna kirip kele jatty.

Al toı, arada tórt saǵat ót­ken­de, ıaǵnı saǵat 18.30-da aıaqtaldy. Osy tórt saǵatta tilekter de aı­tyl­dy, ánder de shyrqaldy, bı de bılendi. Osylaısha, qýanyshqa or­taqtasýǵa kelgen kópshilik jaqsy demalyp, rıza bolyp tarqasty.

Álısultan QULANBAI,

«Egemen Qazaqstan».

Astana.