Kıikter nege qyrylyp jatyr?

Beısenbi, 24 mamyr 2012 7:41

Torǵaı dalasyndaǵy aqbó­ken­der qyrylyp jatyr. Oblystaǵy orman jáne ań sharýashylyǵy aýmaqtyq ınspeksııasy maman­da­rynyń málimeti boıynsha, ólgen kıiktiń sany aınalasy úsh kúnniń ishinde 543-ke jetken. Qazir Tor­ǵaıda quramynda ınspeksııa men Jangeldın aýdandyq ákimdigi qyz­­­­metkerleri, mal mamandary bar 50 adamnan turatyn arnaıy komıssııa jumys istep jatyr. Kıiktiń ólekseleri tekserilý úshin laboratorııaǵa aldyryldy. Onyń qorytyndysy eki aptadaı ýaqyt­tan keıin daıyn bolady.

Beısenbi, 24 mamyr 2012 7:41

Torǵaı dalasyndaǵy aqbó­ken­der qyrylyp jatyr. Oblystaǵy orman jáne ań sharýashylyǵy aýmaqtyq ınspeksııasy maman­da­rynyń málimeti boıynsha, ólgen kıiktiń sany aınalasy úsh kúnniń ishinde 543-ke jetken. Qazir Tor­ǵaıda quramynda ınspeksııa men Jangeldın aýdandyq ákimdigi qyz­­­­metkerleri, mal mamandary bar 50 adamnan turatyn arnaıy komıssııa jumys istep jatyr. Kıiktiń ólekseleri tekserilý úshin laboratorııaǵa aldyryldy. Onyń qorytyndysy eki aptadaı ýaqyt­tan keıin daıyn bolady.

– Telearnalar bergen aqpa­rat­tarda kıiktiń jappaı qyrylýyna túrli sebepter aıtylyp jatyr. Onyń barlyǵy da oıdan shyǵa­ryl­ǵan boljam. Arnaıy labo­ra­to­rııa­lyq qorytyndy ǵana kıik­tiń qy­ry­lý sebebin anyqtaı alady, – deı­di oblystyq orman jáne ań sha­rýashylyǵy aýmaqtyq ıns­pek­sııa­synyń bastyǵy Marat Begimbetov.

Kıik negizinen olar tóldeıtin Aıyrqum men Aqqumnyń ara­syn­daǵy yqtasynda qyrylǵan. Aq­bó­kenniń 4 tekesi, bıyl týǵan 31 laǵy jáne 508 eshkisiniń óleksesi tabyldy. О́lekseler shashyrap jatyr, ara­­­lary 100-200 qadamdaı bolady. Qy­­rylǵan kıikterdiń aýzynan kó­bik aqqan, ishi ótken jáne keýip ketken.

– Negizi bul pasterellezdiń belgisine keledi, biraq naǵyz juqpaly aýrý dep aıtýǵa áli erte. Kıikterdiń eshkileri kúpti bolǵan nemese gúldegen kezde ýly bolatyn shytyra shóbin kóp jep qoıǵan degen de mamandardyń aldyn ala boljamy bar, – deıdi Marat Begimbetov.

Qazir Aıyrqumda aqbókender tóldep bolyp qaldy. Laǵyn órgi­zetin quralaı salqyny da ótti. О́tken jylǵy sanaq boıynsha Qa­zaqstandaǵy Betpaqdala bóli­gin­de 78 myń kıik boldy. Bıylǵy sanaq ta jaqynda júrgen bolatyn, biraq áli qorytyndysy shyqqan joq.

Názıra JÁRIMBETOVA,

«Egemen Qazaqstan».

Qostanaı oblysy.