Sársenbi, 13 maýsym 2012 7:47
Qazaqstandyq jeńil atlet, London Olımpıadasy joldamasynyń ıegeri Olga Rypakova taǵy da qalyń elin jarystaǵy jeńisimen qýantty.
Jeńil atletıkanyń úsh qarǵyp sekirý, jetisaıys, uzyndyqqa sekirý túrlerine mamandanǵan, dál qazirgi kezde elimizdegi bedeldi sportshylardyń biri sanalatyn Olga Rypakova jaqynda AQSh-tyń Nıý-Iork qalasynda ótken «Gaýhar lıgasynyń» kezekti kezeńinde top jaryp, jeńimpaz atandy.
Sársenbi, 13 maýsym 2012 7:47
Qazaqstandyq jeńil atlet, London Olımpıadasy joldamasynyń ıegeri Olga Rypakova taǵy da qalyń elin jarystaǵy jeńisimen qýantty.
Jeńil atletıkanyń úsh qarǵyp sekirý, jetisaıys, uzyndyqqa sekirý túrlerine mamandanǵan, dál qazirgi kezde elimizdegi bedeldi sportshylardyń biri sanalatyn Olga Rypakova jaqynda AQSh-tyń Nıý-Iork qalasynda ótken «Gaýhar lıgasynyń» kezekti kezeńinde top jaryp, jeńimpaz atandy.
Osy kezge deıin bolǵan kóptegen jarystarda altynmen aptalyp, kúmispen kúptelip júrgen Rypakova Nıý-Iork arenasynda alǵashqy múmkindiginde 14,71 metrge qarǵyp, osy nátıjesiniń arqasynda bas júldeni jeńip aldy.
Jalpy, bıyl London Olımpıadasynyń aldynda ótip jatqan jarystarda O.Rypakova til-kózimiz tasqa, jaqsy nátıje kórsetýde. Bıyl ol Qytaıdyń Shanhaı qalasynda ótken «Gaýhar lıgasynyń» ekinshi kezeńinde qola júldege ıe bolsa, Ońtústik Koreıanyń Tegý qalasynda bolǵan álem chempıonatynda kúmis júldeni ıelendi. Odan keıin Katardyń Doha qalasynda ótken «Gaýhar lıgasynda» úsh qarǵyp sekirýde jeńimpaz atansa, Italııanyń Rım qalasynda ótken taǵy bir «Gaýhar lıgasynda» ekinshi oryndy enshiledi.
O.Rypakova – eki dúrkin Jazǵy Azııa oıyndarynyń jeńimpazy, Olımpııa oıyndaryna qatysýshy.
Dastan KENJALIN,
«Egemen Qazaqstan».