Qanysh muralary

Alǵashqy qazaq geology, akademık Sátbaevtyń ómir joly, qaıratkerlik qyz­metimen tanystyrý maq­satynda qordaǵy qu­jat­tar, akademıktiń arhı­vin­degi fotoqujat­tar, zat­tyq derekter kelýshiler na­zary­na usynyldy. Bul ashylyp otyr­ǵan kórme eks­­pozısııasy tórt ta­raý­dan turady. «О́mir jo­lyn tańdaý» aıdary­men top­tas­tyrylǵan birin­shi taraý ǵalymnyń ba­la­lyq shaǵynan syr tar­qa­tady. Qanysh Sát­baev Jez­­qazǵan mys já­ne Baı­­qońyr kómir ke­ni or­nynda alǵashqy turaq­ty barlaý jumy­syn uıym­dastyrdy. Ol bú­­kil Jez­qazǵan-Ulytaý aýda­nyn­daǵy paıdaly ken oryn­darynyń qo­ryn jos­parly túrde anyq­taý isin jolǵa qoıyp, álem­degi úsh iri mys keni orn­ynyń biri – Ulytaý-Jez­qazǵan mys keni kózin ashty.

Kórme ekspozısııasyn­da kópshilik nazarynda ǵalym­nyń eńbekteri, qaıta basylǵan «Algebra oqýlyǵy», Memlekettik mýzeı qorynda saqtalǵan jeke zattary usynyldy.

Búginde áıgili ǵalym, ǵylym salasynyń uıym­das­tyrýshysy, bilikti maman, óz halqynyń naǵyz janashyry, ultjandy Qanysh Imantaıulynyń esimi  Qaraǵandy ob­lysyndaǵy Sát­baev qalasyna, birqatar mıneraldar, muzdyq, taý shyńdary men gúlderge beril­di. Q.I.Sátbaev atyn­daǵy syı­­lyq jáne stı­pendııa­lar ja­rııalanǵan. Kók jú­zinde Sátbaev jul­dyzy da jarqyraıdy.

Saparbaı PARMANQUL, «Egemen Qazaqstan» ALMATY