26 naýryzda elordada iri jol-kólik oqıǵasy oryn alǵan edi.
«Astana LRT» JShS men «№1 avtobýs parki» AQ ókilderi aýrýhanada jatqan zardap shekkenderge baryp, tólemder boıynsha qajetti aqparat berdi.
«Astana LRT» kompanııasynda málimdegendeı, budan buryn «№1 avtobýs parki» AQ zardap shekkenderge ótemaqy tóleıtin saqtandyrý kompanııasymen shart jasasqan bolatyn. Alaıda tólemderdi alý tek sot sheshiminen keıin júzege asady. Qazirgi ýaqytta tergeý amaldary júrgizilýde. Sot sheshimi shyqqannan keıin zardap shekkenderge ótemaqy tólenedi.
Qazir zardap shekkender nemese olardyń ókilderi quziretti mamandarǵa júgine alady.
«Eger siz №53, № 12 marshrýttardyń jolaýshysy nemese JKO qatysýshylary bolǵan jeńil avtomobılderdiń ıesi/jolaýshysy bolsańyz, onda Sizge Saraıshyq kóshesi, 5, «Lazýrnyı kvartal» TK mekenjaıy boıynsha ornalasqan Nomad Insurance saqtandyrý kompanııasyna óz betińizshe habarlasý qajet.
Eger siz № 301 baǵyttaǵy avtobýstyń jolaýshysy bolsańyz, onda siz №1 Avtobýs parkiniń zań bólimine xabarlasýyńyz qajet. Mekenjaıy: Pýshkın kóshesi, 37/2, 209 kab. Jumys kestesi: saǵat 9:00-den 18:00-ge deıin, túski úzilis saǵat 13:00-den 14:00-ge deıin.
Bul rette mynadaı qujattardy usyný mindet: jeke kýálik, eger zardap shekken adamnyń ókili júgingen jaǵdaıda, múddelerdi bildirýge senimhat (notarıaldy kýálandyrylǵan), bılet nemese kólik kartasynyń nómiri boıynsha jol júrýdi naqtylaý. Naqtylanǵan aqparatty «Astana LRT» JShS-de aldyn ala alý kerek.
«Atalǵan mekenjaı boıynsha zardap shekkender barlyq suraqtar boıynsha keńes ala alady», – delingen kompanııanyń habarlamasynda.