Jaqynda halyqaralyq boks qaýymdastyǵynyń arnaıy komıssııasy Qazaqstan boks federasııasynyń ókili týraly suraqty qaraǵany belgili boldy. Komıssııa málimetinshe, Bekjan Bektenov ózge ulttyq federasııa basshylarymen kezdesip, olardy olımpıadaǵa irikteý týrnırin basqaratyn «jańa uıym qurýǵa» úgitteýge tyrysqan. Uıymnyń resmı aiba.org saıtynda bul máseleniń qatań baqylaýǵa alynyp, Bektenovty «AIVA músheliginen» shettetýge qatysty tártiptik komıssııaǵa usynys jiberilgeni jazylǵan.
- Men týraly máseleniń meniń qatysýymsyz ótip jatqany tańǵaldyrady. Men qandaı da bir túsinikteme berý múmkindiginen aıyrylyp otyrmyn. AIVA tarapynan buǵan qatysty qandaı da bir habarlama nemese eskertý alǵan emespin. Sondaı-aq, men «AIVA múshesi» emesin, sondyqtan, zańdy turǵydan meni shettetý múmkin emes.
О́zge ulttyq federasııalardaǵy áriptesterimmen kezdesip, keńes ótkizgenim ras. Bul boks federasııasynyń dırektory retindegi meniń jumysymnyń bir bóligi. Atalǵan jıyndar, hat almasýlar, sondaı-aq, túrli suraqtarǵa qatysty pikirtalas júrgizý únemi júzege asyp turady jáne bul uıym qaýlysyna qarsy kelmeıdi.
Eger AIVA árbir kezdesý men telefon qońyraýlaryn baqylaýǵa múddeli bolsa, munyń demokratııa qaǵıdalaryna qarsy ekenin eskertkim keledi. Mundaı jaǵdaıda ulttyq federasııalardyń qajeti joq, barlyq prosesti bir ǵana shtab-páterdiń basqarýyna bolady.
Al bokstaǵy jalpy jaǵdaıdy ózderińiz bilesizder. Bizdiń olımpıada baǵdarlamasynan syrt qalý qaýpimiz joǵary. HOK pen AIVA arasyndaǵy qarym-qatynasqa alańdaýlymyz. Álemdegi barlyq boksshylar sekildi, biz bokstyń olımpıada baǵdarlamasynda qalýyna bar jaǵdaıdy jasaımyz. Qazir bılik úshin qandaı da bir oıyn oınaýdyń qajeti joq. Barlyq kúsh-qýatymyz boksty Tokıodaǵy Olımpıada oıyndarynda saqtap qalýǵa baǵyttalý kerek, - dedi Bektenov.