Bokstan Azııa chempıonatynda taǵy bir sportshymyz aqtyq synǵa joldama aldy dep jazady Olympic.kz.
60 kelide judyryqtasatyn Zákir Safıýllın jartylaı fınalda úndistandyq Shıva Thapadan basym tústi. Osylaısha, Qazaqstan quramasynyń eki boksshysy fınalǵa ótti.
Kúndizgi bólimde 75 kelidegi Tursynbaı Qulahmet jeńiske jetken bolatyn.
Sondaı-aq, qazaqstandyq boksshylar qurlyq básekesiniń bes qolasyn jeńip aldy. Vasılıı Levıt, Temirtas Júsipov, Sanatáli Toltaev, Farıza Sholtaı jáne Darıǵa Shákimovalar Azııa úzdikteriniń qatarynda.