Qazaqstan Prezıdenti Qasym-Jomart Toqaev jumys saparymen Pavlodar oblysyna keldi. Bul týraly Memleket basshysynyń baspasóz hatshysy Berik Ýálı Feısbýkte málim etti, dep habarlaıdy QazAqparat.
«Sapar aıasynda Qasym-Jomart Toqaev óńirdiń birqatar áleýmettik jáne ındýstrııalyq nysandaryn aralap kórip, memlekettik baǵdarlamalardyń júzege asyrylý barysymen tanysady. Sondaı-aq, Memleket basshysynyń oblys jurtshylyǵymen, sonyń ishinde muǵalimder qaýymymen, eńbek ujymdarymen, jastar ókilderimen kezdesýi josparlanýda», - dep jazdy B.Ýálı.
«QazAqparat» HAA menshikti tilshisiniń aqparatynsha, Prezıdent sonymen qatar, «Qazaqstan elektrolızdi zaýyty» AQ-nyń keńesine qatysady dep kútilýde. Budan bólek, «Pavlodar munaı hımııa zaýyty» JShS-ǵa, Jastar bastamalaryn damytý ortalyǵyna jáne Nazarbaev Zııatkerlik mektebine baratyny kózdelgen.