Bilim jáne ǵylym mınıstri K. Shámshıdınova Elbasynyń 75 myń oryndyq jataqhana salý týraly Úshinshi bastamasyn oryndaý maqsatynda josparly jumystar júrgizilip jatqanyn aıtty. О́tken jyldyń ózinde oqý oryndary men jergilikti bıýdjet esebinen 3 myńnan astam oryn engizildi. Osy jobaǵa ınvestorlardy keńinen tartý maqsatynda «Atameken» ulttyq kásipkerler palatasymen birge memlekettik-jekemenshik áriptestik qaǵıdalaryna negizdelgen arnaıy tetik júzege asyrylýda, qajetti normatıvtik-quqyqtyq baza qalyptastyrylyp, qarjy kólemi bekitildi. Jataqhanalar qurylysymen aınalysatyn kásipkerlerge ınjenerlik kommýnıkasııalary daıyn jer telimderi berilip jatyr.
«Memleket banktik nesıeniń 7%-yn sýbsıdııalaıdy, jataqhanalar qurylysyna qoıylatyn talaptar jeńildetildi. Bul sharalar ınvestorlar shyǵyndaryn qysqartyp, jobalardyń jalpy qunyn tómendetýge múmkindik beredi», dep Bilim jáne ǵylym mınıstri, jataqhana qoldanysqa berilgennen keıin 8 jyl qatarynan memlekettik tapsyrys ornalastyrylatynyn aıtty.
Nur-Sultan qalasynda jataqhana aqysyn ákimdik tarapynan sýbsıdııalaý tetigi engizilgen. Búgingi tańda 19 myńnan astam orynnyń engizilýin qamtamasyz etetin 43 joba iske asyrylyp jatyr. Olardyń 20-sy kásipkerlerdiń, 24-i oqý oryndarynyń, onyń ishinde 13-i jeke menshik oqý oryndarynyń bastamasymen júzege asady.
«Atalǵan jobalar aıasynda osy jyldyń ózinde josparlanǵan 5 myńnyń ornyna 9 196 oryn engiziledi. Iаǵnı, jospar 184%-ǵa oryndalady», dedi K. Shámshıdınova.
О́ńirlerdiń arasynda aldyńǵy qatarda — Nur-Sultan, Shymkent qalalary men Jambyl oblysy.
Onyń aıtýynsha, memlekettik joǵarǵy bilim ordalarymen salystyrǵanda, jekemenshik oqý oryndarynyń belsendiligi anaǵurlym joǵary. Mysaly, bıyl jekemenshik oqý oryndary 8 jataqhanany engizetin bolsa, memlekettik oqý ornydary nebári 2 jataqhanany engizbek.
«О́ńirlerde jataqhanalar qurylysyn keńinen taratý maqsatynda ınvestorlarmen kezdesýler ótkiziledi, jobanyń arnaıy saıty iske qosyldy. Bıylǵy mamyr–qyrkúıek aılarynda ınvestorlardy keńinen tartý úshin úzdik jobalar aksııasy ótkiziletin bolady», dedi Bilim jáne ǵylym mınıstri.
О́ńirlerde atqarylyp jatqan jumystar týraly Jambyl oblysynyń ákimi A. Myrzahmetov pen Shymkent qalasynyń ákimi Ǵ. Ábdirahymov baıandady.
О́z kezeginde, Premer-Mınıstrdiń orynbasary G. Ábdiqalyqova jataqhanalardy ýaqytyly engizý jáne stýdentter úshin qolaıly turý jaǵdaıyn qamtamasyz etý uzaqmerzimdi mindet ekenin atap ótti.