Is-shara Nur-Sultan qalasyn 2050 jylǵa deıin damytý strategııasyn ázirleý aıasynda ótti. Sharany «Strategııalyq zertteýler men konsaltıng ortalyǵy» JShS-niń ázirleýshileri jáne «Strategy Partners Group» toby qala ákimdigimen birlese uıymdastyrdy.
Taqyryptyń erekshelikterine baılanysty is-sharaǵa ónerkásiptiń, bıznes qaýymdastyqtardyń, týrızm jáne ákimdik ókilderi qatysty.
Shaqyrylǵan qatysýshylar arasynda «Astana» Áleýmettik-kásipkerlik korporasııasynyń (ÁKK) ókilderi, «Astana-Invest», О́nerkásip óndirisi odaǵy, Astana konvenshn bıýrosy Astana halyqaralyq qarjy ortalyǵy, «El-Terezı» ShOK, «Astana-Technopolis» AEA jáne basqa da uıymdardyń ókilderi bar.
Talqylaý barysynda kásipkerlik jáne qalalyq bılik ókilderi qalanyń damýy men qazirgi tańda damýǵa kedergi keltiretin tetikterge qatysty pikirlerimen almasty. Strategııany ázirleýshilerdiń aıtýynsha, Nur-Sultan 2050 jylǵa qaraı básekege qabiletti jáne únemi damýshy ekonomıkaǵa ıe, turǵyndar men týrıster úshin qolaıly makroóńirdiń jahandyq qalasy bolýy tıis.
Jıyn barysynda aıtylǵan damýdyń negizgi ıdeıalary qalaǵa shyǵarmashylyq adamdardy tartý jáne olardyń daǵdylaryn damytý úshin múmkindikterdi qamtamasyz etý; qyzmet kórsetý sektoryn qamtıtyn shaǵyn jáne orta bıznesti damytý; qarjy uıymdaryn elordaǵa tartý; sheteldik ınvestorlar men qala qonaqtary aldynda qalanyń damý baǵytyn durys kórsetýge qatysty boldy.
Qatysýshylar negizgi problemalardyń qataryna mynalardy jatqyzdy: ınvestorlardy tartýǵa joǵaryda atalǵan uıymdar arasyndaǵy úılestirýdiń bolmaýy; qalanyń jer ýchaskesine jáne bıznes úshin ınfraqurylymyna qoljetimsizdik. Usynylǵan júıelik sheshimderdiń biri – jer ýchaskeleriniń biryńǵaı derekqoryn qurý, sebebi qoldanystaǵy saulet.astana veb-saıty tolyq aqparat bermeıdi.
Qatysýshylar sondaı-aq, osyndaı otyrystardyń artyqshylyqtary men tıimdiligin atap ótti. Taraptar iskerlik jáne qoǵamdyq orta men jergilikti atqarýshy organdar arasynda osyndaı turaqty kezdesýlerdi ótkizý týraly ýaǵdalasty.
Is-sharany uıymdastyrýshylar «Nur-Sultan – jaıly qala», «Qalanyń demografııalyq úrdisteri», «4-shi ındýstrıaldyq revolıýsııa kezeńindegi qalalar», «Nur-Sultan – daryndylarǵa arnalǵan» sııaqty tórt taqyryp boıynsha dóńgelek ústel ótkizýdi josparlap otyr. Habarlamalar qala ákimdiginiń saıtynda jáne áleýmettik jelilerde jarııalanatyn bolady.