Kelissóz barysynda M.Peıchınovıch-Býrıch Qazaqstannyń Tuńǵysh Prezıdenti – Elbasy Nursultan Nazarbaevtyń qazaq memlekettiligin qurýdaǵy, aýqymdy reformalardy sátti júzege asyrýdaǵy jáne Qazaqstannyń halyqaralyq bedelin nyǵaıtýdaǵy erekshe rólin atap ótti. Taraptar Qazaqstanda aldaǵy prezıdenttik saılaý halyqaralyq demokratııalyq standarttarǵa sáıkes ótetinine senim bildirdi.
Kelisimniń quqyqtyq bazasyn nyǵaıtý, vedomstvoaralyq yntymaqtastyqty arttyrý, iskerlik jáne mádenı-gýmanıtarlyq baılanystardy keńeıtý boıynsha birlesken belsendi jumystarǵa erekshe nazar aýdaryldy. Sonymen qatar ınvestısııa tartý jáne eksportty ilgeriletý salasyndaǵy Syrtqy ister mınıstrliginiń úılestirýshi róli atap ótilip, saýda-ekonomıkalyq yntymaqtastyqty keńeıtý týraly ýaǵdalastyqqa qol jetkizildi.
2016 jyldan bastap Horvatııamen ekijaqty saýda 8 esege ósip, 2018 jyldyń qorytyndysy boıynsha ol 350 mln AQSh dollaryn qurady. Qazaqstanda qurylys, aqparattyq tehnologııalar, azyq-túlik ónerkásibi jáne saýda salalarynda 20-dan astam horvat kompanııasy jumys isteıdi. Iri jobalardyń qatarynda Nur-Sultandaǵy «Zagreb» turǵyn úı kesheniniń qurylysyn, Densaýlyq saqtaý mınıstrliginiń horvat «Ericsson Nikola Tesla» kompanııasymen birlesken densaýlyq saqtaýdyń ıntegrasııalyq platformasyn jáne elektrondyq densaýlyq pasporttar engizýin, «Sultan» JShS men «Instrýmentarııa» horvat kompanııasynyń protezdik-ortopedııalyq ónimderdiń birlesken óndirisin atap ótýge bolady.
О́z kezeginde M.Peıchınovıch-Býrıch Qazaqstannyń 2017-2018 jyldardaǵy BUU Qaýipsizdik Keńesiniń turaqty emes múshesi retindegi qyzmetin, sondaı-aq halyqaralyq qaýipsizdikke qosqan úlesin, sonyń ishinde Sırııadaǵy qaqtyǵysty retteý jónindegi Astana prosesin, ıadrolyq qarýsyz álem ıdeıasyn júzege asyrýdy jáne halyqaralyq mádenıetter men dinder dıalogyn damytýdaǵy belsendilikterin joǵary baǵalaıtynyn jetkizdi.
Qazaqstan astanasynda 70-shi bolyp Horvatııa Respýblıkasynyń elshiligi ashyldy. B.Atamqulov Horvatııa elshiliginiń ashylýyna M.Peıchınovıch-Býrıchtiń qatysýy Horvatııanyń Qazaqstanǵa degen joǵary qurmetiniń belgisi ekenin atap ótti.