Foto: Krıshtıaný Ronaldý / Maxppp
Buǵan deıin Ronaldý «Ál-Rııadqa» qarsy ótken chempıonat oıynyna qatyspaı, komandanyń bir jattyǵýyn ótkizip alǵan edi. Sol matchta «Ál-Nasr» 1:0 esebimen jeńiske jetken. Derekkózderdiń málimetinshe, bul qadam oıynshy men klýb basshylyǵy arasyndaǵy ishki kelispeýshiliktermen baılanysty bolǵan.
ESPN dereginshe, jaǵdaı syrt kózge kóringennen áldeqaıda kúrdeli. Basylym málimetine sáıkes, Ronaldý 6 aqpanda ótetin Saýd Arabııasy chempıonatynyń 21-týry sheńberindegi «Ál-Ittıhadqa» qarsy oıyndy da ótkizip alýy múmkin. Buǵan sebep – klýbty baqylap otyrǵan memlekettik ınvestısııalyq qor PIF-ten naqty basqarýshylyq ózgeristerge qatysty kepildikter talap etýi.
Portýgalııalyq juldyz «Ál-Nasr» basqa alpaýyt klýbtarmen, ásirese «Ál-Hılıalmen» salystyrǵanda jetkilikti deńgeıde qarjylaı qoldaý almaı otyr dep esepteıdi. Eger talaptary eskerýsiz qalsa, Ronaldý kelisimshartty merziminen buryn buzýdy suraýy yqtımal. Onyń qazirgi kelisimi 2027 jyldyń jaz mezgiline deıin jaramdy.
Ronaldýdyń rekordy qaıtalandy: Mbappe bir maýsymda 11 gol soqty
Osy maýsymda Krıshtıaný Ronaldý klýb deńgeıinde 20 match ótkizip, 17 gol soǵyp, 2 nátıjeli pas bergen. Aıta keteıik, búgin, 5 aqpanda áıgili shabýylshy 41 jasqa toldy.
