Atalǵan jeńis aıasynda ýnıversıtet HUMAN-AI atty halyqaralyq ǵylymı jobanyń konsorsıýmyna resmı túrde qosyldy. Joba jasandy ıntellektiniń bilim berý, ǵylym jáne qoǵamǵa áserin eskere otyryp, joǵary bilim berý júıesin jańa jahandyq talaptarǵa beıimdeýge baǵyttalǵan.
HUMAN-AI jobasynyń negizgi maqsaty – joǵary bilim berýde jasandy ıntellektini etıkalyq, adamǵa baǵdarlanǵan jáne jaýapty túrde qoldanýdyń keshendi modelin ázirleý. Joba sheńberinde AI-ǵa beıimdelgen ınnovasııalyq oqytý strategııalaryn damytý, akademııalyq ortaǵa saı soft skills júıesin qalyptastyrý, oqý baǵdarlamalaryn eńbek naryǵynyń talaptarymen úılestirý kózdelgen. Sonymen qatar sıfrlyq saýattylyqty adamgershilik qundylyqtarmen jáne jaýapty paıdalanýmen ushtastyrý, tehnologııalyq ózgerister jaǵdaıynda bilim berýdegi «adam faktoryn» saqtaý máseleleri zertteledi.
Shyǵys Qazaqstan tehnıkalyq ýnıversıteti Horizon Europe jeńimpazy atandy
HUMAN-AI – halyqaralyq deńgeıdegi aýqymdy joba. Konsorsıým quramyna Polsha, Estonııa, Portýgalııa, Nıderland, Slovakııa, Ýkraına, Túrkııa, Qazaqstan, Taıland jáne Brazılııa elderinen jetekshi ǵylymı jáne bilim berý uıymdary engen. Qazaqstan tarapynan jobany Qazaq ulttyq qyzdar pedagogıkalyq ýnıversıtetiniń professory Salǵaraeva Gúlnaz Ibragımqyzy basqarady.
Bul jetistik Qazaqstannyń halyqaralyq ǵylymı qaýymdastyqtaǵy pozısııasyn nyǵaıtyp, elimizdiń joǵary bilikti kadrlyq áleýeti men ǵylymı ázirlemeleri bar senimdi ǵylymı-tehnologııalyq seriktes retinde tanylyp otyrǵanyn dáleldeıdi.
Zańsyz jekeshelendirý: Qyzdar pedagogıkalyq ýnıversıtetiniń ǵımaraty memleket menshigine ótti
Aıta keteıik, bul – Horizon Europe baǵdarlamasy aıasynda Qazaqstannan maquldanǵan ekinshi joba. Atalǵan jańalyq elimizdiń eýropalyq ǵylymı keńistikte tek qatysýshy ǵana emes, tolyqqandy ári senimdi serikteske aınalyp kele jatqanyn kórsetedi.
Qazaq agrotehnıkalyq zertteý ýnıversıtetinde Smart-aýdıtorııa ashyldy
