Jarys barysynda jaraqat alǵanyna qaramastan, elordalyq sportshy tolyq marafon qashyqtyǵyn - 42,2 shaqyrymdy sátti eńserip, qaısarlyqtyń, tózimdiliktiń jáne sportqa degen adaldyqtyń jarqyn úlgisin kórsetti.
Saltanat Túıtebaev - belsendi ómir salty men buqaralyq sportty damytýǵa úles qosyp júrgen jarqyn tulǵa. 2025 jyly otandasymyz Nıý-Iork marafonynda 80–89 jas sanatynda chempıon atanyp, jarysty 4 saǵat 45 mınýtta aıaqtaǵan. Al 2021 jyly 75–79 jas sanatynda kúmis júldege ıe boldy.
Saltanatty qarsy alý rásimine sport salasynyń ókilderi, sport ardagerleri, sportshynyń týǵan-týystary men jaqyndary qatysty.
Týrızm jáne sport mınıstriniń orynbasary Baýyrjan Rapıkov buqaralyq sportty damytý men salamatty ómir saltyn nasıhattaýdyń mańyzyna toqtaldy.
«Memleket basshysynyń tapsyrmasyna sáıkes, elimizde buqaralyq sportty damytý kezeń-kezeńimen júzege asyrylyp keledi. Halyqtyń barlyq sanaty úshin sportpen shuǵyldanýǵa qajetti jaǵdaı jasalýda. Saltanat Túıtebaevtyń jetistigi — qaısarlyqtyń, tártiptiń jáne salamatty ómir saltyna adaldyqtyń aıqyn úlgisi. Osyndaı sportshylar jastarǵa jiger berip, sporttyń jas talǵamaıtynyn dáleldeıdi», - dedi Baýyrjan Rapıkov.
