Oblys jáne mınıstrlik basshylyǵyna egin sharýashylyǵy men et baǵytyndaǵy mal sharýashylyǵyna mamandanǵan kásiporynnyń negizgi qyzmet baǵyttary tanystyryldy. Búginde «NamysGroup» 14,5 myń gektar alqapta dándi, burshaq jáne maıly daqyldardy ósirýmen aınalysyp, sondaı-aq et baǵytyndaǵy mal sharýashylyǵyn damytyp otyr. Kásiporyn zamanaýı aýyl sharýashylyǵy tehnıkasymen jabdyqtalǵan jáne 42 adamdy turaqty jumyspen qamtyp otyr.
Marat Ahmetjanov aýyl sharýashylyǵy taýar óndirýshilerin qoldaýdyń mańyzdylyǵyn atap ótip, mundaı kásiporyndardyń damýy óńir ekonomıkasyn nyǵaıtýǵa jáne azyq-túlik qaýipsizdigin arttyrýǵa yqpal etetinin aıtty.
Aýyl sharýashylyǵy mınıstri agrarlyq sektordy odan ári jańǵyrtý, zamanaýı tehnologııalardy engizý jáne aýyl sharýashylyǵy óndirisiniń tıimdiligin arttyrý qajettiligine nazar aýdardy.
Sapar barysynda sondaı-aq Stansıonnyı kentinde «Unicorn Feed Limited» jeke kompanııasynyń qurama jem zaýytynyń qurylys alańy da aralandy.
Aıta keteıik, Aqmola oblysynda 2 myńnan astam sharýashylyq egis jumystaryn tolyq aıaqtap úlgergen.
