Kadrlarda Aıgúl Saılybaevanyń enesi Natalıa Donsova men Aleksandr Donsovtyń Máskeýde turyp jatqany jáne jumys istep júrgeni aıtylady. Aleksandr Donsovtyń ózi qylmysqa esh qatysy joq ekenin, ózine jala jabylǵanyn jetkizedi.
Buǵan deıin olarǵa Reseı Tergeý komıtetiniń tekserý júrgizetini jóninde aqparat taraǵan bolatyn.
Germanııadaǵy sýdıanyń ólimi: Qazaqstan Aıgúl Saılybaevanyń kúıeýi men enesine izdeý jarııalady
112 arnasynyń málimetinshe, 2 aqpanda Natalıa Donsova tergeýshilermen baılanysýdan bas tartqan. Ol Reseı zańnamasyndaǵy «eshkim ózine, jubaıyna nemese jaqyn týystaryna qarsy kýálik berýge mindetti emes» degen normany paıdalanǵan.
Eske salaıyq, Aıgúl Saılybaeva 2024 jylǵy 3-4 maýsym aralyǵynda habarsyz ketken. Al 16 maýsymda onyń pyshaq jaraqattary bar máıiti qala shetinen plastıkalyq qapshyqqa salynǵan kúıde tabylǵan.
Qazaqstanda Saılybaevanyń burynǵy kúıeýi men enesine izdeý jarııalandy
Marqumnyń advokaty Janna Muhamadı Aıgúl Saılybaevanyń júkti bolǵanyn málimdedi. Onyń aıtýynsha, eks-sýdıa kúıeýi men enesi tarapynan turmystyq zorlyq-zombylyqqa ushyraǵan. Aıgúl bul týraly jaqyn qurbylaryna aıtyp, uryp-soǵý belgileri kórinetin fotosýretterdi jiberip otyrǵan.
Osy derekterge baılanysty Qazaqstanda «qınaý» baby boıynsha qylmystyq is qozǵalǵan.
