Foto: Vıdeodan alynǵan kadr
«Qazir belgi ózgerdi – solǵa burylýǵa tek bir jolaq qana qarastyrylǵan. Sonyń saldarynan jolda qaýipti jaǵdaılar týyndap jatyr», delingen jazbada.
Bir bıletpen eki adam ótýge bolmaıdy: LRT basshylyǵy jolaýshylarǵa eskertý jasady
Olardyń aıtýynsha, atalǵan aýmaqta polısııa qyzmetkerleri kúsheıtilgen rejımde jumys istep, ereje buzǵan júrgizýshilerge hattama toltyryp jatyr.
Qala turǵyndary jańa qozǵalys syzbasy jaǵdaıdy jeńildetýdiń ornyna qıyndatyp jibergenin aıtady. Olardyń sózinshe, Táýelsizdikke burylatyn bir jolaq tańǵy ýaqytta kólik aǵynyn ótkizýge jetkiliksiz.
Sonymen qatar turǵyndar «Gorodskoı romans» shaǵyn aýdanynan keletin kólik legi men Nájimedenov kóshesi jaǵyndaǵy ózgeristerdiń de jaǵdaıdy ýshyqtyrǵanyn alǵa tartty. Atalǵan baǵytta Áziret Sultan meshitine qaraı tikeleı burylys alynyp tastalyp, tek keri aınalý nemese ózge kósheler arqyly ótý múmkindigi qalǵan.
«Keminde eki jolaq qaldyrý kerek edi. Qazir Amanjolov kóshesinde kún saıyn úlken keptelis bolady. Buryn bul jerden toqtaýsyz ótetinmin, qazir 10 mınýttap turamyn. Baǵdarsham da az ýaqyt janady. Mundaı ózgeris keptelisti odan saıyn kúsheıtti», dep jazdy kásipker Erkin Erkebekuly.
Keıinirek E. Erkebekuly ákimdik júrgizýshilerdiń shaǵymyna qulaq asyp, solǵa burylatyn ekinshi jolaqty qaıta qosqanyn habarlady.
Buǵan deıin Astanada Abaı dańǵylynyń bir bóligi 18-22 mamyr aralyǵynda jabylatynyn habarlaǵanbyz.
