Májiliste Úkimettiń 2025 jylǵy respýblıkalyq bıýdjettiń oryndalýy týraly esebin talqylaý barysynda depýtat Qaraqat Ábden jolaýshylar vagondary parkin jańartýǵa ótken jyly 65,5 mlrd teńge bólinip, tolyq ıgerilgenine nazar aýdardy.
Bastapqy jospar boıynsha 2025 jyldyń sońyna deıin paıdalanýǵa berilýge tıis 68 vagon satyp alynýy kerek edi. Keıin bul kórsetkish 51 vagonǵa deıin qysqaryp, jetkizý merzimi keıinge shegerilgen.
Qazaqstanda ár poıyzǵa erekshe qajettiligi bar jandarǵa arnalǵan vagon qosylady
Aıdar Rysqulovtyń aıtýynsha, alǵashqy partııadaǵy vagondar tehnıkalyq talaptarǵa tolyq sáıkes kelmegendikten qabyldanbaǵan. Atap aıtqanda, tejeý júıesine qatysty birqatar ózgeris engizý qajettiligi anyqtalǵan.
Qazirgi ýaqytta Stadler kompanııasy anyqtalǵan kemshilikterdi óz qarajaty esebinen túzetip jatyr. Sondyqtan vagondardy jetkizý merzimi barlyq tehnıkalyq sáıkessizdikterdiń joıylýyna baılanysty bolmaq.
Eger qajetti jumystar ýaqytynda aıaqtalsa, alǵashqy vagondar Qazaqstanǵa osy jyldyń ekinshi toqsanynda jetkiziledi.
Eske salsaq, 2022 jyly «Qazaqstan temir joly» ulttyq kompanııasy men Stadler arasynda uzaq merzimdi kelisimshart jasalyp, oǵan sáıkes elimizdiń jolaýshylar vagondary parkin 2030 jylǵa deıin kezeń-kezeńimen jańartý josparlanǵan.
Qazaqstanda áıelderge arnalǵan vagondar qaı baǵyttarda qatynaıdy?
Sondaı-aq jańa vagondarda ınternet jelisine qosylý múmkindigi qarastyrylǵan. Internet qyzmeti vagondar baǵyttarǵa shyǵarylǵannan keıin kezeń-kezeńimen engiziledi.
