Foto: istockphoto.com
Mınıstrdiń aıtýynsha, qoldanystaǵy oqýlyqtardan 700-den astam túrli sıpattaǵy qateler men eskertpeler anyqtalǵan. Anyqtalǵan kemshilikter qatarynda tehnıkalyq jáne stıldik qateler, derektik dálsizdikter, mazmunǵa sáıkes kelmeıtin ıllıýstrasııalar, oqý baǵdarlamasyna úılespeıtin materıaldar, sondaı-aq eskirgen ádis-tásilder men tujyrymdamalar bar.
Budan bólek, ulttyq mazmunǵa beıimdelmegen materıaldardyń paıdalanylýy, matematıka pánindegi qate anyqtamalar men tarıhı oqıǵalarǵa qatysty jańsaq pikirler mamandardyń alańdaýshylyǵyn týdyrǵan.
Mınıstrdiń málimetinshe, keıbir oqýlyqtar belgilengen merzimde jańartylmaı, toǵyz jylǵa deıin mazmundyq ózgerissiz qoldanylǵan.
«Osyǵan baılanysty Oqý-aǵartý mınıstrligi oqýlyqtardy kezeń-kezeńimen jańartýdy josparlap otyr. Josparǵa sáıkes, 2026 jylǵy 30 tamyzǵa deıin 3 jáne 7-synyptardyń, 2027 jylǵy 1 qańtarǵa deıin 4 jáne 9-synyptardyń, al 2027 jylǵy 1 sáýirge deıin 8-synyptyń oqýlyqtary jańartylady», dedi Aıda Balaeva.
Eske sala keteıik, buǵan deıin Oqý-aǵartý mınıstri Juldyz Súleımenova elimizde mektep oqýlyqtaryn jańartý jumysy júıeli túrde jalǵasatynyn aıtqan bolatyn.
