Foto: istockphoto.com
Májilis otyrysynda depýtat Erlan Stambekov memleket halyqtyń qaryz júktemesin azaıtýǵa baǵyttalǵan qatań saıasat júrgizip otyrǵanymen, úkimettik qaryz kólemi ósip jatqanyn atap ótti. Depýtat eger azamattardan qarjylyq tártip qalaı talap etilse, dál osyndaı tártip memlekettik deńgeıde de saqtalýy tıistigin aıtty.
Qarjylyq tártiptiń barlyq deńgeıde mańyzdy ekendigin atap ótken mınıstr Mádı Takıev elimizdiń memlekettik qaryzy qaýipsiz deńgeıde ekendigin jetkizdi. Sonymen birge ol memlekettik qaryz kólemi men onyń qyzmet kórsetý shyǵyndaryn bólek qarastyrý kerektigin aıtty.
«Munda eki máseleni bólek qarastyrý qajet. Birinshisi – memlekettik qaryz deńgeıi, ekinshisi – qaryzǵa qyzmet kórsetý quny. 1 qańtardaǵy jaǵdaı boıynsha ol IJО́-ge shaqqanda 22,8% nemese 36,4 trln teńgeni qurap, qaýipsiz shekterde tur. Bul turǵyda 32% IJО́ kólemindegi belgilengen kovenanttan aspaý mańyzdy kórsetkish bolyp qala beredi. Sondyqtan basty nazar tek qaryz kólemine emes, onyń qalaı jáne qandaı sharttarmen ótelip jatqanyna da aýdarylýǵa tıis», dedi mınıstr.
Tımýr Súleımenov: Bankterge halyqqa emes, bızneske nesıe berý tıimdi bola tústi
Sondaı-aq ol qaryzdy qaıta qarjylandyrý tájirıbesi halyqaralyq deńgeıde keń taralǵanyn aıtyp, Qazaqstannyń da halyqaralyq naryqtarda tıimdi sharttarmen qarajat tartqanyn atap ótti.
Budan bólek, Mádı Tákıev 2025 jyldyń qorytyndysy boıynsha, elimizdiń IJО́ ósimi 6,5%-dy quraǵanyn aıtty. Onyń aıtýynsha ósimge kólik, qurylys, taý-ken ónerkásibi men saýda salalary negiz bolǵan.
