Foto: istockphoto.com
Mınıstrdiń aıtýynsha, transfertterdi eseptemegende respýblıkalyq bıýdjettiń menshikti kiristeri 15,3 trln teńgege jetip, 2024 jylmen salystyrǵanda 1,8 trln teńgege artqan.
«Salyqtyq túsimder 2,2 trln teńgege nemese 17,5%-ǵa ósti. Jalpy ósim korporatıvtik tabys salyǵy men qosylǵan qun salyǵy boıynsha túsimderdiń ulǵaıýy, ımporttyń ósýi, sondaı-aq ákimshilendirý tıimdiliginiń artýy esebinen qamtamasyz etildi», dedi mınıstr.
Mádı Tákıevtiń sózinshe, korporatıvtik tabys salyǵy boıynsha túsimder 880 mlrd teńgege ósip, 4,5 trln teńgege jetken. Al qosylǵan qun salyǵy 932,5 mlrd teńgege artyp, 6,1 trln teńgeni quraǵan.
Memleketke qaıtarylǵan qarjy: Balqash aýrýhanasy jańa kelbetke ıe boldy
Mınıstr memleket bıznes aldyndaǵy mindettemelerin oryndaýdy jalǵastyryp jatqanyn atap ótti. 2025 jyly bıýdjetten 1 trln 354 mlrd teńge qosylǵan qun salyǵy qaıtarylǵan. Osylaısha el qazynasyna ótken jylmen salystyrǵanda 138 mlrd teńge artyq qarajat túsken.
Eske sala keteıik, buǵan deıin Energetıka mınıstri Erlan Aqkenjenov Qazaqstanda janarmaı baǵasy 3-4 teńgege óskenin málimdedi.
