Kommýnıkasııalar qyzmetinde ótken brıfıngte habarlanǵandaı, Aıt namazy 27 mamyr kúni tańǵy saǵat 06:00-de qalanyń barlyq meshitinde oqylady.
Bıyl Qurban aıt merekesi erekshe formatta toılanbaq: Bas múftı mańyzdy málimdeme jasady
Qurbandyq shalý rásimi kún saıyn saǵat 07:00-den 18:00-ge deıin tek resmı túrde bekitilgen oryndarda ǵana júrgiziledi.
Osy maqsatta elordada bes mamandandyrylǵan alań belgilendi:
• Baıqońyr aýdany: «Shanhaı» bazary – Alash tasjoly, 34/6;
• «Barakat» bazary – A 369 kóshesi, 10;
• «Jaılaý» bazary – Alash tasjoly, S 313 kóshesi;
• «Sháýshen» sharýa qojalyǵy – Alash tasjoly, 136B.
• Almaty aýdany: «Et-Han» et sehy – Temirjolshylar turǵyn alaby, Aqjar kóshesi, 20.
Qurbandyq shalý rásimin arnaıy belgilengen oryndardan tys jerde ótkizýge bolmaıdy.
Mereke qarsańynda turǵyndar sanıtarlyq-epıdemıologııalyq jáne veterınarııalyq talaptardy saqtaýy qajet. Mamandar etti tek tekserilgen oryndardan satyp alýdy, ónimniń saqtalý jaǵdaıyna nazar aýdarýdy, sondaı-aq jeke gıgıena men sanıtarlyq qaýipsizdik erejelerin saqtaýdy usynady.
Sonymen qatar, mal soıýdan qalǵan qaldyqtardy belgilengen tártippen kádege jaratý qajet, olardy qatty turmystyq qaldyqtarǵa arnalǵan konteınerlerge tastaýǵa tyıym salynady.
