Atap aıtqanda, senatorlar «2009 jylǵy 1 jeltoqsandaǵy Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qyrǵyz Respýblıkasy Ystyqkól oblysynyń Ystyqkól aýdanyndaǵy jer ýchaskelerin jalǵa berý týraly shartqa ózgerister men tolyqtyrýlar engizý týraly hattamany ratıfıkasııalaý týraly» zańdy qarady. Atalǵan zań kýrorttyq-rekreasııalyq nysandar ornalasqan jalpy aýdany 58,8 gektar jer ýchaskelerin ýaqytsha aqyly paıdalaný erejelerin rettep, eki eldiń tıimdi paıdalaný men saqtaý mindettemelerin bekitedi.
Senator bir palataly Parlamentke kóshý týraly: Zań shyǵarýshy organnyń ókilettikteri qaıta qaraldy
Budan bólek, «2006 jylǵy 4 shildedegi Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qyrǵyz Respýblıkasy Ystyqkól oblysynyń aýmaǵynda ornalasqan kýrorttyq-rekreasııalyq sharýashylyq obektilerine Qazaqstan Respýblıkasynyń menshik quqyqtaryn retteý týraly kelisimdi jáne 2006 jylǵy 4 shildedegi Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qyrǵyz Respýblıkasy Ystyqkól oblysynyń aýmaǵynda ornalasqan kýrorttyq-rekreasııalyq sharýashylyq obektilerine Qazaqstan Respýblıkasynyń menshik quqyqtaryn retteý týraly kelisimge ózgerister men tolyqtyrýlar engizý týraly hattamany ratıfıkasııalaý týraly» zań qaraldy. Eger bul zań maquldansa elimiz birqatar nysanǵa ıelik etip, olardy jańǵyrtýǵa, týrıstik ınfraqurylymdy damytýǵa ınvestısııalar tarta alady.
Senatorlardyń pikirinshe, atalǵan zańdar iske asyrylsa, elimiz ben Qyrǵyzstan arasyndaǵy ekijaqty yntymaqtastyq nyǵaıyp, kýrorttyq nysandar jańǵyrtylady. Bul óz kezeginde týrıstik salany damytýǵa yqpal etedi.
Otyrysty qorytyndylaı kele komıtet músheleri zańdardy Palatanyń qaraýyna jiberýge kelisti.
