Otyrys jumysyna Tótenshe jaǵdaılar mınıstri general-leıtenant Shyńǵys Árinov jáne Qyrǵyz Respýblıkasynyń Tótenshe jaǵdaılar mınıstri Kanatbek Chynybaev, sondaı-aq Keńes músheleri men beıindi bólimshelerdiń ókilderi qatysty.
Is-shara barysynda ortalyqtyń 2025 jylǵy qyzmetiniń qorytyndysy usynylyp, 2026 jylǵa arnalǵan jumystyń basym baǵyttary aıqyndaldy. Qatysýshylarǵa Ortalyq Azııa elderinde apattar qaýpin azaıtý, klımattyń ózgerýine beıimdelý jáne aqparattyq-kommýnıkasııalyq tehnologııalardy engizý salalaryndaǵy jobalardy iske asyrý barysy týraly aqparat usynyldy.
2025 jyly Ortalyq óńirlik yntymaqtastyqty damytýǵa, halyqaralyq uıymdarmen ózara is-qımyldy nyǵaıtýǵa, sondaı-aq memlekettik organdar men halyqtyń tótenshe jaǵdaılarǵa daıyndyǵyn arttyrýǵa baǵyttalǵan keshendi is-sharalar júzege asyrylǵany atap ótildi.
Tótenshe jaǵdaıǵa daıyndyq: Jertóleler men parkıngter panalaý oryndaryna aınalady
О́z sózinde Shyńǵys Árinov Ortalyqtyń óńirlik memleketterdiń kúsh-jigerin úılestirý, tájirıbe almasý jáne tótenshe jaǵdaılardyń aldyn alý men olardy joıý salasynda kelisilgen sheshimder ázirleý úshin tıimdi alań retindegi mańyzdylyǵyn atap ótti. Ortalyqty odan ári damytý jáne halyqaralyq yntymaqtastyqty keńeıtý máselelerine erekshe nazar aýdaryldy.
Otyrys sońynda yntymaqtastyqty odan ári damytýǵa jáne onyń qyzmetiniń tıimdiligin arttyrýǵa baǵyttalǵan Ortalyq Keńesiniń tıisti sheshimine qol qoıyldy.
