Foto: disk.yandex.ru
Tergeý materıaldaryna sáıkes, 2025 jyly kúdikti ınternettegi «www.nbcms.com» platformasy men WhatsApp messendjeri arqyly azamattardy tartyp, ózin ınvestısııalyq onlaın-joba retinde kórsetken qarjy pıramıdasyn uıymdastyrǵan.
Atalǵan jobaǵa qatysýshylar arnaıy chattar arqyly biriktirilgen. Atap aıtqanda, «Dıskýssıonnaıa grýppa NBC Charlotte», «NBCUniversal Media LLC» jáne basqa da toptarda 200-den astam adam bolǵan. Qatysýshylarǵa qysqa beınerolıkterdi – fılm treılerlerin kórý arqyly tabys tabýǵa bolady degen jeleýmen ınvestısııa salý usynylǵan.
Jobaǵa qatysý úshin azamattardan 11 000-nan 160 000 teńgege deıin ınvestısııalyq paket satyp alý talap etilgen. Uıymdastyrýshylar qatysýshylarǵa táýligine 5-10% deıin (aıyna 150%-dan astam) tabys ýáde etken. Alaıda bul tólemder tek jańa salymshylardyń qarajaty esebinen júzege asqan.
Sonymen qatar júıede referaldyq shema qoldanylǵan. Iаǵnı, tartylǵan árbir jańa qatysýshy úshin 10%-ǵa deıin syıaqy berilip, ekinshi jáne úshinshi deńgeıdegi qatysýshylarǵa qosymsha bonýs qarastyrylǵan. Mundaı model pıramıda qurylymyn odan ári keńeıtýge baǵyttalǵan.
Abaı oblysynda 6,8 mlrd teńge tartqan qarjy pıramıdasy áshkerelendi
Uıymdastyrýshylar zańdy qyzmet júrgizip jatqandaı kórinis qalyptastyrý úshin áleýmettik jelilerde belsendi jarnama júrgizgen. Olar jalǵan qujattar jarııalap, jasandy tabys kórsetkishterin kórsetken, blogerlerdi tartqan jáne túrli taqyryptyq chattar ashqan.
Qarjy aınalymy da erekshe shema arqyly júzege asqan. Salymdar jeke tulǵalardyń shottaryna qabyldanyp, keıin R2R operasııalary arqyly krıptovalıýtaǵa aıyrbastalyp, anonımdi ámııandarǵa jiberilgen. Bul qarjynyń izin jasyrýǵa baǵyttalǵan áreket bolǵan.
Sot sanksııasymen kúdikti aktıvterge shekteý qoıylǵan. Naqty aıtqanda, 1 057 599 USDT (Tether) kólemindegi krıptovalıýtaǵa tyıym salyndy, bul shamamen 528,5 mln teńgege teń.
Kúdiktige qatysty elden shyqpaý jáne tıisti minez-qulyq týraly qolhat túrindegi bultartpaý sharasy qoldanylǵan. Qazirgi ýaqytta is sot qaraýyna jiberildi.
Qylmystyq-prosestik kodekstiń 201-babyna sáıkes, ózge málimetter jarııa etýge jatpaıdy.
Qarjylyq monıtorıng agenttigi azamattardy qarjy quraldaryna saq bolýǵa shaqyryp, ınvestısııa jasamas buryn jobanyń resmı tirkelýin, zańdy mártebesin jáne qajetti lısenzııalardyń bar-joǵyn muqııat tekserýdi usynady. Sondaı-aq ýáde etiletin tabystyń shynaıylyǵyna kúmánmen qaraý qajettigin eskertedi.
10 mlrd teńgeden astam shyǵyn: Qarjy pıramıdasyn basqarǵan kúdikti elge ekstradısııalandy
