Foto: Feısbýk áleýmettik jelisinen
Kópshilikke beımálim bolyp kelgen derek ulttyq zııatkerlik oıyn tarıhyna qatysty mańyzdy olja retinde baǵalanyp otyr.
«Buǵan deıin biz Keńes ıdeologııasy qysymymen mádenı muradan, onyń jarqyn úlgisi toǵyzqumalaqtan aıyryla jazdaǵanymyzda ulttyq zııatkerlik oıynymyzdy qaıta jandandyrýdyń basy qasynda Muhtar Áýezov, Qalıbek Qýanyshbaev , Sársen Amanjolov sekildi uly tulǵalar bolǵanyn biletinbiz. Endi, mine, sonyń beıne dáleli tabyldy», dep jazdy Dúnıejúzilik toǵyzqumalaq federasııasynyń prezıdenti, qoǵam jáne memleket qaıratkeri Álıhan Baımenov.
Onyń aıtýynsha, qazirgi tańda sýrettiń túpnusqasy men túsirilgen ornyna qatysty zertteý jumystary júrgizilip jatyr.
Qundy murany «Almatykitap» baspasynyń prezıdenti Gaýhar Saımasaevaǵa taýyp, Qazaqstan toǵyzqumalaq federasııasy vıse-prezıdenti, BINOM mektepter júıesiniń basshysy Sholpan Qadyrovaǵa habar bergen.
Eske sala keteıik, buǵan deıin Muhtar Áýezov atyndaǵy Qazaq ulttyq drama teatrynyń 100 jyldyǵyna oraı, Almaty mýzeıinde «Ǵasyr jasaǵan Ult teatry» atty kórme ashylǵan bolatyn.
