Foto: Aqorda
Prezıdenttiń aıtýynsha, Altyn Orda fenomenin myńdaǵan jyl boıy Eýrazııa júreginde qalyptasqan baı ıntellektýaldyq keńistikten bólip qaraı almaımyz. Orta ǵasyrlarda Uly dala ozyq ıdeıalardy usynǵan álemdik ortalyqtardyń birine aınalǵany málim.
«Ortalyq Eýrazııadaǵy kóshpeliler tirshiliginen, túrki-mońǵol muralarynan, ıslam dástúrlerinen jáne hrıstıan qaýymdastyǵyna jatatyn halyqtardyń dúnıetanymdyq qaǵıdattarynan nár alǵan aqyl-oıdyń qunarly topyraqta qanat jaıýy zańdy edi. Bul ıdeıalar evolıýsııasy úzdiksiz júrgen kezeń edi. Ár ǵasyr Uly dalanyń aqyl-oı kenin baıytyp, jańa qundylyqpen tolyqtyryp otyrdy. Osy tereń sabaqtastyqty túısinbeı, Altyn Ordanyń órkendeý syryn obektıvti baǵalaý qıyn», dedi Prezıdent.
Memleket basshysy: Altyn Orda dáýiri otandyq tarıhymyzdyń mańyzdy bóligi
Qasym-Jomart Toqaevtyń sózinshe, álbette, bul oraıda Altyn Ordanyń negizi qalanǵanǵa deıingi kezeńderde ómir súrgen áıgili oıshyldardyń ǵylymı, fılosofııalyq, ádebı muralarynyń mán-mańyzy zor.
«Eń aldymen, tarıhta Arıstotelden keıingi «Ekinshi ustaz» atymen málim álemdik fılosofııanyń negizin qalaýshylardyń biri – Ábý Nasyr ál-Farabıdiń orny erekshe. Ol «Qaıyrymdy qala turǵyndary» traktatynda ádildikten aınymaý, bilimge qushtarlyq jáne adamgershilik qasıetterdi shyńdaý arqyly barshaǵa birdeı ıgilikke qol jetkizýge bolatynyn jan-jaqty aıtqan. Onyń oılary túrik, musylman álemindegi keıingi saıası-fılosofııalyq dástúrlerdi túsinýge mańyzdy baǵdar boldy», dedi Memleket basshysy.
Memleket basshysy qubylmaly geosaıası zamanda tarıhı dıalog ornatýdyń mańyzyn aıtty
