Foto: Aýyl partııasynyń baspasóz qyzmeti
Basqosý «Aýyl» partııasynyń ortalyq apparatynda ótti. Jıynda Memleket basshysy Qasym-Jomart Toqaev jarııalaǵan saıası jańǵyrýlardyń túıindi kezeńi sanalatyn jańa Konstıtýsııa jobasy keńinen talqylandy. Dıalog alańy jastardyń kózqarasyn aıqyndap qana qoımaı, reformalardyń mazmunyna qatysty naqty ustanym qalyptastyrýǵa múmkindik berdi.
Jalpyulttyq sosıal-demokratııalyq partııa Ata zańdaǵy ózgeristerdi óńirlerde túsindiredi
Jańa qujattyń ıdeologııalyq ózegi
Jıyndy ashqan «Aýyl» partııasy Ortalyq apparat basshysynyń orynbasary Nurhat Orash Konstıtýsııa jobasynyń ıdeologııalyq salmaǵyna toqtaldy. Onyń aıtýynsha, jańa Ata zań «Zań men tártip», «Adal azamat», «Taza Qazaqstan» qaǵıdattaryn quqyqtyq deńgeıde ornyqtyrady.
«Bul qujat – jaı ǵana quqyqtyq erejeler jınaǵy emes, bul – «Ádiletti Qazaqstannyń» jańa fılosofııasy. Jańa Konstıtýsııada Vıse-prezıdent ınstıtýtyn engizý jáne Quryltaıdyń jańa arhıtektýrasyn qalyptastyrý – bılik sabaqtastyǵy men ulttyq basqarý dástúriniń zamanaýı úılesimi», dedi N.Orash.
Jastar demokratııalyq baǵytty tańdady
Dıalog alańynda Eýrazııa ulttyq ýnıversıteti, Qorqyt ata atyndaǵy Qyzylorda ýnıversıteti jáne Qazaq ulttyq sport ýnıversıtetiniń stýdenttik kóshbasshylary sóz alyp, reformalarǵa qatysty pikirlerin bildirdi. Olardyń aıtýynsha, jańa Konstıtýsııa adam kapıtalyna, bilim men ınnovasııaǵa basymdyq berip, jas býyn úshin jańa áleýmettik lıftiler men quqyqtyq kepildikter ashady.
Stýdenttik uıymdar ókilderi bul ózgeristerdi eldiń demokratııalyq baǵytyn aıqyndaıtyn, azamattyq qoǵamdy nyǵaıtatyn tarıhı qadam retinde baǵalady.
QHP aımaqtarda jańa Konstıtýsııa jobasyn talqylaýdy jandandyrdy
Jıyn barysynda sarapshylar men saıasattanýshylar D. Pirimbetov pen E. Elemes bir palataly Parlament pen partııalyq júıeniń jandanýy saıası mádenıetti jańa deńgeıge kóteretinin atap ótti. Sondaı-aq Ata zańǵa ózgerister engizýdiń tek búkilhalyqtyq referendým arqyly júzege asýy memlekettik turaqtylyqtyń basty kepili ekeni aıtyldy.
Kezdesý sońynda qatysýshylar jańa Konstıtýsııa ótkendi tarazylap, bolashaqqa nyq qadam jasaýǵa jol ashatyn strategııalyq tańdaý degen ortaq tujyrymǵa keldi.
«Aq jol» Demokratııalyq partııasy Ulttyq keńesiniń plenýmy Jańa Konstıtýsııa jobasyn qoldady
