Saltanatty kilt tabystaý jıynyna qala ákimi Ǵabıdolla Ábdirahymov qatysyp, Elbasy N.Á.Nazarbaevtyń tapsyrmasymen elimizdiń jańa áleýmettik saıasaty iske asyp jatqandyǵyn tilge tıek etti, Sondaı-aq, «Áleýmettik qamqorlyq» memlekettik baǵdarlamasy aıasynda kópbalaly otbasylar men halyqtyń az qamtamasyz etilgen toptaryn baspanamen qamtý jumystary júrgizilip jatqanyn atap ótip, jańa páterge ıe bolǵan shahar týrǵyndarynyń qýanyshymen bólisti.
«Memleket turǵyndardy baspanamen qamtý, kópbalaly otbasylarǵa, muqtaj azamattarǵa qoldaý kórsetý baǵyttarynda nátıjeli jumystar júrgizip keledi. Halyqty qoldaýǵa arnalǵan osy jumystardy qýatty memleketter ǵana atqara alady. О́zderińiz jaqsy bilesizder, Shymkent qalasynda sońǵy jyldary qurylys qarqyny artty. Jańa shaǵynaýdandar salynyp, myńdaǵan otbasylar baspanaly boldy. Byltyrdyń ózinde qalamyzda «Nurly jer» memlekettik baǵdarlamasy boıynsha 1152 otbasy baspanaly boldy. Bul dástúr bıyl da jalǵasyn taýyp, talaı otbasy baspanaly bolý baqyty aldynda tur. Qalanyń damý josparyna osydan 3-4 jyl buryn ǵana engizilgen «Shymkent Sıtı» zamanaýı qalashyǵy búgin alǵashqy turǵyndaryn qabyldaýda», dedi qala ákimi.
Merekege oraı tabystalǵan jańa páterlerdiń 177-si kópbalaly otbasylarǵa, 108 páter – jetim jáne ata-ana qamqorlyǵynsyz qalǵan balalarǵa berilip otyr. 255 páter basqa da áleýmettik álsiz toptaǵy azamattarǵa úlestirildi.
Shymkent qalasy memlekettik baǵdarlama aıasynda turǵyn úı salýda respýblıka boıynsha kósh bastap tur. Atap aıtar bolsaq, jyl sońyna deıin shaharda taǵy 828 páterli 14 arendalyq turǵyn úıler beriletin bolady. Budan basqa, «7-20-25» ıpotekalyq baǵdarlamasy arqyly 246 páterli 5 kredıttik turǵyn úı berilse, «Turǵyn úı qurylys jınaq banki» arqyly «Nursát» shaǵyn aýdanynda 656 páterli 11 kredıttik turǵyn úı, «Shymkent» ÁKK arqyly 1016 páterli 24 kredıttik turǵyn úıler halyq ıgiligine tapsyrylmaq. Jeke qurylys júrgizýshiler esebinen 1293 páterli 26 turǵyn úı paıdalanýǵa berilmek. «Shymkent Sıtı» qalashyǵy taıaý bolashaqta megapolıstiń qarqyndy damý ortalyǵyna aınalady.