Seısenbi, 19 aqpan 2013 7:38
Apattyń túri kóp eken. Jer qozǵalysynyń, sý tasqynynyń, kólik apattarynyń aldyn alý jumystary týraly aýyz jappaı aıtylyp júrgende, pále aspannan tústi. О́tken aptanyń juma kúni tanerteńgi saǵat 9.30 shamasynda Qostanaı jurtshylyǵy aspannan sanaýly sekýndtar ishinde kóz qaryqtyryp aǵyp ótken sharǵa ań-tań bolyp qarady. Aldymen ne bolǵanyn bilmeı abdyraǵan jurt onyń meteorıt ekenin keıin baryp bildi. Jarqyrap, aǵyp túsken «dopty» qostanaılyqtardyń kópshiligi baıqady.
Seısenbi, 19 aqpan 2013 7:38
Apattyń túri kóp eken. Jer qozǵalysynyń, sý tasqynynyń, kólik apattarynyń aldyn alý jumystary týraly aýyz jappaı aıtylyp júrgende, pále aspannan tústi. О́tken aptanyń juma kúni tanerteńgi saǵat 9.30 shamasynda Qostanaı jurtshylyǵy aspannan sanaýly sekýndtar ishinde kóz qaryqtyryp aǵyp ótken sharǵa ań-tań bolyp qarady. Aldymen ne bolǵanyn bilmeı abdyraǵan jurt onyń meteorıt ekenin keıin baryp bildi. Jarqyrap, aǵyp túsken «dopty» qostanaılyqtardyń kópshiligi baıqady. Artynsha ınternette onyń Chelıabi qalasynyń mańyndaǵy Shubarkólge qulaǵany, qalany biraz dúrliktirgeni týraly aqparattar kórine bastady. Meteorıtti Qostanaı oblysynyń Chelıabi jolyndaǵy Troısk qalasymen shektesetin Qarabalyq aýdany turǵyndary da anyq baıqaǵan. Resmı emes derek kózderinen alǵanymyzdaı, osy aýdannyń Pobeda, Novotroısk eldi mekenderinde de meteorıttiń tolqyny anyq bilingen. Keıbir úılerdiń terezeleri shytynaǵan.
Chelıabidegi qandastarymyzdyń «Birlik» mádenı-qoǵamdyq ortalyǵynyń múshesi Qarlyǵash Igembaevaǵa habarlasqanbyz.– Meteorıttiń tolqyn kúshi óte qatty boldy. Kópke deıin ne bolǵanyn bilmeı ańtarylyp, odan qorqynysh boıymyzdy bıledi. Bizdiń úıdiń terezesi syna qoıǵan joq, biraq úıdiń mańaıyndaǵy balabaqshanyń áınekteri qırap, búldirshinder aýrýhanaǵa jetkizildi. Shytynap ushqan shynydan jaraqat alǵandardy estip jatqan bolarsyz. Bizdiń jumys keńsesiniń terezesi qırap, bólmelerdiń tóbesine japsyrylǵan penoplastyń barlyǵy túsip qaldy, – deıdi Qarlyǵash.Qandastarymyzdyń aıtýyna qaraǵanda da, ınternet jáne Reseıdiń elektrondy buqaralyq aqparat quraldarynan baıqaǵanymyzdaı, Chelıabi qalasynyń halqyn aspannan túsken apattan jaratqan ıeniń ózi saqtap qalǵandaı.Senbi kúni ótken NASA mamandarynyń baspasóz máslıhatynda Ýral jerine túsken meteorıttiń 1908 jylǵy Týngýs apatynan keıingi iri aspan denesi bolǵanyn jáne onyń energııalyq tolqyn qýaty Hırosımada jarylǵan ıadrolyq bombadan da birneshe ese asyp túskeni aıtyldy. «Meteorıt jerden 20-25 shaqyrym bıiktikte jarylǵan, onyń jarylǵan kezde bólgen energııa qýaty 300 kılotonna boldy», dep málimdedi Marshall atyndaǵy ǵaryshtyq ushýlar ortalyǵynyń meteorıttik bólimshesiniń mamany Bıll Kýk.Mamandar júz jylda bir ret bolady dep baǵalaǵan aspan apatynyń saldarynan 1200-deı adam medısınalyq kómekke májbúr bolǵan. Meteorıt túsken aýmaqtaǵy turǵyn úı, áleýmettik nysandar – barlyǵy úsh myńdaı ǵımarat búlingen. Meteorıt kórshimiz chelıabilikterge 1 mıllıard rýbl shamasynda shyǵyn ákeldi. Abyroı bolǵanda, adam shyǵyny joq. Kórshiniń taıy ozsa qýanatyn qazaq emespiz be, adamnyń amandyǵyna qostanaılyqtar da shúkirlik etti.Názıra JÁRIMBETOVA,«Egemen Qazaqstan».QOSTANAI.