Juma, 5 sáýir 2013 2:11
Aqtaý qalasynyń irgesindegi О́mirzaq aýylynda jantúrshigerlik oqıǵa oryn aldy. Munda bir otbasy azyn-aýlaq malynyń qamyn kúıttep, qystaı jem-shóbin tolassyz tasymaldap, kóktemge aman-saý ilindirgen bolatyn. Tek aýzynan aq kóbigi burqyrap, jarap turǵan býra ǵana áli qolǵa qarap, qorada turǵan. Býranyń adamǵa shabatyny da bar. Buryn osy úıdiń eki balasyna tosyn minez kórsetkenmen, jamandyq oılamaǵan úı ıeleri otbasy múshelerin «abaı bolyńdar, mańyna kóp jaqyndaı bermeńder» dep saqtandyrǵan.
Juma, 5 sáýir 2013 2:11
Aqtaý qalasynyń irgesindegi О́mirzaq aýylynda jantúrshigerlik oqıǵa oryn aldy. Munda bir otbasy azyn-aýlaq malynyń qamyn kúıttep, qystaı jem-shóbin tolassyz tasymaldap, kóktemge aman-saý ilindirgen bolatyn. Tek aýzynan aq kóbigi burqyrap, jarap turǵan býra ǵana áli qolǵa qarap, qorada turǵan. Býranyń adamǵa shabatyny da bar. Buryn osy úıdiń eki balasyna tosyn minez kórsetkenmen, jamandyq oılamaǵan úı ıeleri otbasy múshelerin «abaı bolyńdar, mańyna kóp jaqyndaı bermeńder» dep saqtandyrǵan.
Qaladan as-sýyn alyp oralǵan 75 jastaǵy áje álgi býrany azyqtandyrmaq bolyp qoraǵa kiredi. Áje bota kezinen balasha baptap, sylap-sıpap ósirgen malynan jamandyq kútpedi me, kim bilgen, al úı-ishindegiler kúndelikti sharýa bolǵandyqtan, jete mán bere qoımaıdy. Birazdan soń qorada es-tússiz, qımylsyz qan-qan bop sulap jatqan ájeni kórshileri baıqap, dereý «jedel járdem» shaqyrady. Dárigerlerdiń aıtýynsha, býranyń taptaýynan bas súıegi myjǵylanyp, qatty jaraqat alǵan áje áldeqashan o dúnıelik bolyp ketken.Býra qazir ózge maldardan oqshaýlanyp, bólek qoraǵa qamaldy. Al ájeniń denesi keshe jer qoınyna tapsyryldy. Býraǵa qandaı «jaza» qoldanary belgisiz.Gúlaıym ShYNTEMIRQYZY,«Egemen Qazaqstan».Mańǵystaý oblysy.