Sársenbi, 15 mamyr 2013 1:53
Bórli aýdanyndaǵy Ańqaty razezinde 51 jastaǵy áıel Gúlsim Hamıtova men onyń 26 jastaǵy qyzy jarty jyl ýaqyt boıy quldyqtyń kúıin keshken. Olar buǵan deıin osy aýdandaǵy Bogdanovka aýylynda turǵan. Turmysy tómen jandarǵa bir kúni Nursulý esimdi áıel jolyǵyp, ájeptáýir tabys, qarajat tabýǵa múmkindikteri bar ekenin aıtady. Izdegenge suraǵan degendeı, olar jeke menshik ıeleri ornalasqan razezden bir-aq shyǵady.
Sársenbi, 15 mamyr 2013 1:53
Bórli aýdanyndaǵy Ańqaty razezinde 51 jastaǵy áıel Gúlsim Hamıtova men onyń 26 jastaǵy qyzy jarty jyl ýaqyt boıy quldyqtyń kúıin keshken. Olar buǵan deıin osy aýdandaǵy Bogdanovka aýylynda turǵan. Turmysy tómen jandarǵa bir kúni Nursulý esimdi áıel jolyǵyp, ájeptáýir tabys, qarajat tabýǵa múmkindikteri bar ekenin aıtady. Izdegenge suraǵan degendeı, olar jeke menshik ıeleri ornalasqan razezden bir-aq shyǵady. Munda anasy men qyzy mal baǵýmen jáne basqa da qara jumystardy atqarýmen aınalysady. Árıne, bastapqyda bári de oılarynan shyqqandaı bolady. Al arada bir aı ótkennen keıin Darǵojıev esimdi fermer olardyń eńbekterin tólep, úılerine qaıtarýdyń ornyna, ekeýin quldarsha jumsap, joq nárseden ilik izdep, uryp-soǵýdy ádetke aınaldyra bastaıdy. Ári- beriden keıin fermer men onyń otbasy músheleri qol jumsaǵandy da mise tutpaı ekeýin kúrekpen soǵa bastaıdy. Tipti, aıyr ala júgirip shanshyp jiberýden taıynbaıdy.
Tabys tabamyz dep kelgender bastarynyń amanynda bul jerden qashyp ketýdi oılastyryp júrgende fermerdiń aýlasyna polıseıler kele qalady. Sóıtip, atalǵan derek boıynsha QR Qylmystyq kodeksiniń bostandyqtan zańsyz aıyrý delinetin 126-baby boıynsha qylmystyq is qozǵaldy, dep málimdedi Batys Qazaqstan oblystyq ishki ister departamenti, tergeý basqarmasynyń bastyǵy Maǵaýııa Qurmashev. Onyń sońy nemen tyndy degen saýalǵa kelsek, istiń nasyrǵa shabatynyn tez uǵa qoıǵan Darǵojıev quldyqta ustalyp kelgenderge ótemaqylaryn artyǵymen tólep qutylady. Al atalǵan qylmystyq is eki jaq ymyralasýǵa kelgendikten jabyldy. Áıtse de, quqyq qorǵaýshylar tergeý amaldary kezinde jábirlenýshiler Darǵojıevter otbasy tarapynan zábir men qorlyq kórgenderi jóninde túsinik bergenderin málimdep otyr.
Temir QUSAIYN,
«Egemen Qazaqstan».
Batys Qazaqstan oblysy,
Bórli aýdany.