Katadan komandalyq synda erler arasynda Almaty, áıelder arasynda Batys Qazaqstan oblysy top jardy.
Al kýmıteden komandalyq syn asa tartysty ótti. Ásirese, shırek fınalda kezdesken Aqtóbe jáne Mańǵystaý oblysynyń sportshylary jankúıer kóńilinen shyqty. Komanda sapynda Azııa oıyndarynyń jeńimpazy Rınat Saǵyndyqov pen Andreı Aqtaýov syndy talantty sportshylar baryna qaramastan, aqtóbelikter kórshi oblysqa ese jiberdi.
Komandalyq kýmıte, erler:
1. Mańǵystaý oblysy
2. Shymkent qalasy
3. Aqtóbe oblysy
Komandalyq kýmıte, áıelder:
1. Mańǵystaý oblysy
2. Shymkent qalasy
3. Atyraý jáne Almaty oblystary
Spartakıada nátıjesi boıynsha Almaty jáne Shymkent qalalary jalpykomandalyq esepte birinshi oryndy bólisti.
Ekinshi orynda Mańǵystaý, úshinshi orynda Jambyl oblysy ornalasqan.
«Bıylǵy Spartakıada 2015 jyly Qaraǵandyda ótken jarystan áldeqaıda joǵary deńgeıde uıymdastyryldy. Eń basty aıyrmashylyq – sportshylardyń kásibı deńgeıde ósýi. Karate Olımpıada baǵdarlamasyna engeli beri sportshylardyń kórsetkishi joǵarylaǵanyn baıqaýǵa bolady. Básekelestik deńgeıi artqan, árbir karateshi bar kúshin sarqyp, sońyna deıin shaıqasty. Biz kóptegen oblystardyń áleýeti óskenine kóz jetkizdik», - deıdi Spartakıadany qorytyndylap ótken komanda bas bapkeri Jastalap Sanaýov.