Jazǵy sport túrleriniń ókilderi Olımpıada qarsańyndaǵy maýsymdy jalǵastyrýda. Sý dobynan Qazaqstan erler komandasy Grýzııanyń Tbılısı qalasynda jattyǵý jıynyn ótkizip jatyr dep habarlaıdy Olympic.kz.
Sheteldegi jattyǵý jıyny 9 mamyr kúni bastaldy. Sportshylar Reseı chempıonatyna daıyndalýda. 16 mamyr kúni Máskeý oblysyna qarasty Rýza qalasynda sý dobynan erler arasyndaǵy Reseı chempıonatynyń 15-shi týr oıyndary ótedi.
Qazaqstan komandasy Máskeý oblysynyń namysyn qorǵaıtyn «Shtýrm-2002» komandasymen kezdespek. Jıyn 15 mamyr kúni aıaqtalady.