«Munda qazir 9 qyzmet kórsetýshi kelýshilerdiń suraqtaryna óziniń baǵyty boıynsha jaýap beredi. Mysaly, jer qatynastary, turǵyn úı, arhıtektýra, áleýmettik qorǵaý,jumyspen qamtý basqarmalarynyń ókilderi ózderinde qandaı qyzmet kórsetti dál solaı jumys isteıdi. Osy basqarmalar qalanyń ortalyǵynda bolǵanmen ár kóshede ornalasqan. Olar árqaısysyna barady, kerek suraǵyna jaýap alǵansha qansha kútedi, al qazir qala turǵyndary osy bir ǵımaratqa keledi jumysynyń barlyǵyn bir kabınetten bitiredi», deıdi Memlekettik qyzmet monıtorıngin ishki baqylaý qyzmetiniń basshysy Samat Jandildın.
Kómek alańynyń ashylýyn oblys ákimi Arhımed Muhambetovtyń ózi kelip kórdi. Memlekettik qyzmet jáne sybaılas jeıqorlyqqa qarsy is-qımyl departamentiniń bastyǵy Salaýat Múksimov óńir basshysyna osy ortalyq arqyly elektrondyq qyzmet úlesi kóbeıtiletinin baıandady. О́tken jyl qyzmettiń 10 prosenti elektrondyq bolsa, bıyl ony 70 prosentke deıin ósirýdi maqsat qoıyp otyrǵanyn aıtty.
«О́te durys. Bul Elbasynyń 2017 jyly qańtarda Qazaqstan halqyna joldaǵan joldaýynda aıtqan tapsyrmasy bolatyn. Mysaly bilim salsynda turǵyndar elektrondyq qyzmet arqyly balasynyń bala baqshaǵa turǵan kezegin ózi qadaǵalap otyrady. Eń bastysy adamdarǵa sapaly qyzmet kórsetilýi tıis», dedi Arhımed Begejanuly. Kómek alańy ǵımaratynyń ishinde qala ákimine de shaǵyn kabınet jasaqtalǵan. Oǵan qajettilik bolǵan kezde, qala ákimi kelip turǵyndardy qabyldaýyna bolady.
Kómek alańynda ázirge qyzmettiń 85 túri kórsetiledi. Ol aldaǵy ýaqytta 103-ke jetedi. Al qyzmet kórsetý túrleriniń barlyǵy elektrondyq varıantqa kóshkende ol arqyly 50 myń túrli qyzmet túri kórsetiledi.