7-15 mamyr aralyǵynda Tarazda voleıboldan erler arasyndaǵy ulttyq lıganyń pleı-off kezeńi ótip, elimizdiń 27-shi chempıonaty aıaqtaldy. Birinshilik qorytyndysy boıynsha, alǵash ret «TNK Qazhrom» komandasy jeńimpaz atandy dep habarlaıdy Olympic.kz.
Aqtóbe oblysy Hromtaý qalasynyń komandasy óz tarıhynda tuńǵysh ret el chempıonatynyń altynyn ıelenip otyr.
Kúmis júlde byltyrǵy jeńimpaz «Atyraý» voleıbol klýbynyń enshisinde.
Qola medal úshin ótken tartysty kezdesýde «Mańǵystaý» voleıbol klýby Soltústik Qazaqstannan kelgen «Esil» komandasyn jeńip, alǵash ret el chempıonatynyń júldegerleri qataryna endi.