Qazaqstandyq jeńil atletter Thailand Open Track & Field 2019 halyqaralyq týrnırin jaqsy kórsetkishpen aıaqtady. Bizdiń sportshylar tórt altyn medal jeńip alǵan dep habarlaıdy Olympic.kz.
Taıland ashyq chempıonatyndaǵy tórtinshi altyndy ıadro laqtyrýshy Ivan Ivanov jeńip aldy. Ol 18.95 metr kórsetkishimen qarsylastarynan ozyp ketti. Ekinshi orynda taıpeılik Ma Veı Haý (16.78), úshinshi orynda malaızııalyq Muhammad Zolkeflı (16.71).
Aıta ketý kerek, Taılandtaǵy týrnırge elimizden tórt sportshy attandy. Buǵan deıin Polına Ivanova (syryqpen sekirý), Marııa Ovchınnıkova (úsh qarǵyp sekirý) jáne Elızaveta Matveevalar (bıiktikke sekirý) jeńis tuǵyrynyń eń bıik satysyna kóterildi.