Forým jańa beleske kóterildi

Seısenbi, 16 sáýir 2013 2:03

Almaty obly­syn­da basty maqsaty týǵan jeriniń qa­lyp­tasýy men júıeli damýyna, sol arqyly tu­tastaı táýelsiz Qa­zaq­stannyń damýyna súbeli úles qosqan otandastarymyzdyń jetistikteriniń tarıhyn aıqyndap, kór­setý bolyp tabylatyn «Elimniń taǵdyry – meniń taǵdyrym!» atty forýmnyń ekinshi kezeńi bastaý aldy. Aýdannyń belgili adamdarynyń qatysýymen ótken merekelik is-shara Qaskeleń qalasynda uıymdastyryldy.

Seısenbi, 16 sáýir 2013 2:03

Almaty obly­syn­da basty maqsaty týǵan jeriniń qa­lyp­tasýy men júıeli damýyna, sol arqyly tu­tastaı táýelsiz Qa­zaq­stannyń damýyna súbeli úles qosqan otandastarymyzdyń jetistikteriniń tarıhyn aıqyndap, kór­setý bolyp tabylatyn «Elimniń taǵdyry – meniń taǵdyrym!» atty forýmnyń ekinshi kezeńi bastaý aldy. Aýdannyń belgili adamdarynyń qatysýymen ótken merekelik is-shara Qaskeleń qalasynda uıymdastyryldy.

Eske sala ketsek, ekinshi respýblıkalyq forým Aqmola oblysynda bastaý alǵan bolatyn. Birinshi kezeńde estafetany respýblıkanyń barlyq aýdandary qabyldap alyp, oblystyq forýmǵa laıyq degenderi joldama aldy. Forým spıkerlerin búgingi kúnniń naǵyz erleri: kórnekti qoǵam jáne saıası qaıratkerler, memlekettik organdardyń, óner men ǵylym, etnomádenı birlestikterdiń ókilderi elimizde túrli salalarda qyzmet etetin zııalylar, soǵys jáne eńbek ardagerleri, jaýynger-ınternasıonalıster, ataqty sportshylar, jastar kóshbasshylary qurady.Eń laıyqty dep tanylǵandar elorda kúni qarsańynda Astanada ót­kiziletin «Elimniń taǵdyry – meniń taǵdyrym!» ekinshi respýb­lıkalyq forýmyna joldama alady.

Almaty oblysy erte kezden-aq óziniń óndiris, aýylsharýashylyq jáne qurylys salalary boıynsha jetistikterimen tanylyp, aı­maq­­tyń ekonomıkasynyń damýyna óz úlesterin qosyp keledi. In­dýs­trııalyq-ınnovasııalyq da­mýǵa baǵyttalǵan memlekettik baǵ­darlamalardy jedeldetýdiń nátıjesi ekonomıka salalarynyń naqty damýyna oń yqpalyn tıgizdi. Oblysta aımaqtyq jalpy ónim 2011 jyly 1 286,4 mlrd. teńgeni, jan basyna shaqqanda 680,1 myń. teńgeni qurady. Sonymen bir­ge, oblystyń respýblıkadaǵy IJО́-si 4,4%-dy kórsetti. 2012 jylǵy baǵalaý boıynsha IAО́ 1 385,4 mlrd. teńgeni, jan basyna shaqqanda 726,8 myń teńgeni qurap, 2011 jylmen salystyrǵanda 6,9%- ǵa ósti.Densaýlyq saqtaý, bilim berý, mádenıet, sport, shaǵyn jáne orta­ bıznestiń damýyna barlyq jaǵdaı jasalǵan. Jergilikti ba­sym­dyqtardyń biri halyqtyń áleýmettik qorǵalýy, ásirese, otan­dastarymyzdyń ómir sapasyn arttyrý ekeni qýantyp otyr. Tek ishki jáne halyqaralyq týrızmniń damýyna ǵana emes, sondaı-aq myńdaǵan qazaqstandyqtardyń án-jyryna arqaý bolǵan qasıetti Jetisý jeri men tabıǵı-rekreasııalyq resýrs­tar – Ile jáne Jońǵar Alataýy, Alakól jáne Balqash kólderi, taý ózenderi jaıynda aıta ketken oryndy.Degenmen, Almaty oblysy men jalpy Qazaqstannyń basty baılyǵy – adamdary. Olardyń qataryna elimizge ǵana emes, sonymen birge, álemge tanymal jyr alyby Jambyl Jabaev, saıası qaıratker Turar Rysqulov, aqıyq aqyn Muqaǵalı Maqataev, qazaqtyń beıneleý óneriniń negizin salýshy Ábilhan Qasteev, kompozıtorlar Nurǵısa Tilendıev pen Muqan Tólebaev, ushqysh-kosmonavt Tal­ǵat Musabaev jáne t.b. bar. Bul tizimdegi erekshe oryndy Qaskeleń aýdanyndaǵy Shamalǵan aýylynda dúnıege kelgen Qazaqstan Res­pýblıkasynyń Tuńǵysh Prezıdenti Nursultan Ábishuly Na­zarbaev ıelenedi.Dál osy jerde birinshi oblystyq forýmdy ótkizý týraly sheshim qa­byl­dandy. Is-sharanyń saltanatty rásimi Naýryzbaı batyrdyń es­kertkishine gúl shoqtaryn qoıý­men bastaldy. Odan ary kesh qo­naqtary men qatysýshylary Úsh­qońyr kentindegi Qarasaı batyr atyndaǵy mekteptegi «Shapaǵat» murajaıynda jáne Qaskeleńdegi tarıhı-ólketaný murajaıynda qarsy alyndy.Qaharmandary Almaty obly­sy­nyń turǵyndary bolyp taby­la­tyn «Elimniń taǵdyry – meniń taǵdyrym!» derekti fılmi kórse­tilgennen keıin Qaskeleń mádenıet úıinde negizgi bólimdi aýdan ákimi Serik Muqanov ashyp: «Qıyn-qys­taý kezeńde Qazaqstannyń Tuńǵysh Prezıdenti Nursultan Nazarbaev elimizdiń basty basymdyǵy retinde áýeli – ekonomıka, odan keıin – saıasat, dep belgilep, eli men halqynyń taǵdyryn óz jaýapkershiligine aldy. Búginde bizdiń reformalarymyz álemde «qazaqstandyq jol» degen atpen belgili. Nursultan Ábishuly taǵdyr men tarıh synaǵynan abyroımen ótti, óz halqyn órkendeý jolyna jetkizdi», – dedi.Uly Otan soǵysynyń arda­ge­ri, Elbasynyń muǵalimi bol­ǵan Seıithan Isaev, Qarasaı aýdan­dyq ardagerler keńesiniń tór­aǵasy Saılaýbek Qydyralıev, «Qur­met» ordeniniń ıegeri, Balqash aýdanynyń qurmetti azamaty, ob­lystyq máslıhattyń depýtaty, Balqash aýdandyq «Birlik» agro­fırmasynyń dırektory Áb­di­jappar Qystaýbaev, Alakól aýdan­dyq máslıhatynyń depýtaty, aýdandyq ájeler keńesiniń tór­aıymy, bilim berý isiniń qurmetti qyzmetkeri Uljalǵas Dúısenbaeva, Pan­fılovtaǵy «Irada» sharýa qo­ja­lyǵynyń tóraıymy Sýrııam Izımova jerlesteri aldynda ózderi­niń oı-paıymdaryn ortaǵa saldy.UOS-tyń 95 jastaǵy ardageri Seıithan Isaev óziniń daryndy oqýshysy Nursultan Nazarbaev týraly estelikterimen bólisti. «Mektep qabyrǵasynan bas­tap Nursultannyń minezinde bas­ty­ erekshelik – maqsatqa tal­py­nýshylyq ańǵaryldy. Sol balǵyn shaǵynan ol keleshekti oılady, ol úshin kúresti, adamdarǵa qyzmet etýge umtyldy, ózindeginiń bárin Otanyna berdi», – dedi ol.Forýmǵa qatysýshy Sýrııam Izımova Tuńǵysh Prezıdenttiń «Halyqtyń kúshi – birlikte!» degen sózin keltirdi. «Jáne shyn máninde, biz, Qazaqstanda ómir súretin ártúrli etnos ókilderi eldiń basty jetistigi – ol adam ekendigine kóz jetkizdik. Bizdiń ortaq Otanymyz – Qazaqstan! Bul el maǵan ómir súrýge barlyq múmkindikter berdi, munda ósý, damý jáne gúldený úshin barlyq jaǵdaılar jasalǵan. Bizder bul elge rızamyz!», – dedi ol. «Elimniń taǵdyry – meniń taǵdyrym!» atty oblystyq forým aıasynda Qaskeleń qalasynda «Atom» jobasynyń petısııasyna 4 myń adam qol qoıdy.Oblystyq fılarmonııa­ ártis­teri­niń atsalysýymen daıyn­dalǵan merekelik konsert onyń sharyqtaýy boldy. Baǵdarlama Prezıdent N.Nazarbaevtyń ánde­rinen quraldy.

* * *О́tken apta ishinde Aqmola, Aqtóbe, Almaty, Atyraý, Batys Qazaqstan, Jambyl, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan oblystarynda 30 qalalyq jáne aýdandyq deńgeıdegi forýmdar bolyp ótti. Is-sharaǵa májilismender men senatorlar qatysty. —————————-Sýrette: Naýryzbaı batyr eskertkishine gúl shoqtaryn qoıý rásiminen kórinis.