Slovenııanyń Koper qalasynda sporttyq gımnastıkadan álem kýbogi kezeńi bastaldy. Birinshi jarys kúniniń qorytyndysy boıynsha úsh qazaqstandyq sportshy fınalǵa ótti dep habarlaıdy Olympic.kz.
Mılad Karımı erkin jattyǵýdaǵy irikteý kezeńin birinshi orynmen aıaqtady. Osy básekede synǵa túsken taǵy bir qazaqstandyq sportshy Ilııas Azızov úshinshi orynda. Eki gımnast ta fınalda synǵa túsedi.
Gımnastıkalyq at snarıadynda Narıman Kýrbanov pen Ilııas Azızov aqtyq synǵa joldama aldy. Olar irikteý kezeńin tórtinshi jáne besinshi orynmen támamdaǵan.
Álem kýbogi kezeńiniń fınaldyq básekeleri 1 maýsym kúni ótedi. Búgin taǵy úsh jattyǵý boıynsha irikteý syndary bastalatynyn habarlaımyz.