4-10 maýsym aralyǵynda Qytaıdyń Shanhaı qalasynda karateden Premer-lıga dodasy ótedi dep habarlaıdy Olympic.kz.
Qytaıdaǵy týrnırge Qazaqstan quramasynyń úsh sportshysy qatysady. Olar – Darhan Asadilov (60 keli), Danııar Iýldashev (84 keli) jáne Sofııa Berýlseva (+68 keli).
Komanda kóshbasshysy Darhan Asadilov Túrkııada ótken A serııasy aıasyndaǵy týrnırde júldesiz qalǵan bolatyn. Shanhaıda Darhannyń aldynda upaı jınap, jeńiske jetý mindeti tur. Olımpıadalyq reıtıngte Asadilov úshinshi orynda keledi.
Sofııa Berýlseva Stambýldaǵy básekede úzdik úshtikke enip, mańyzdy reıtıngilik upaıǵa qol jetkizdi. Al Danııar Iýldashev birneshe aıǵa sozylǵan sátsizdikter serııasyn Shanhaıda túzetýge daıyn ekenin aıtady.
Karateden Qazaqstan komandasy bul kúnderi Almatydaǵy AIVA akademııasynyń bazasynda birlesken oqý-jattyǵý jıyndaryn ótkizip jatyr.