Biregeı shıpajaı

Seısenbi, 21 mamyr 2013 1:09

Elimizdiń 2011-2013 jyldarǵa arnalǵan «Salamatty Qazaqstan» baǵdarlamasynyń basty maqsaty – medısınalyq mekemelerdi sońǵy úlgidegi tehnologııamen jabdyqtaý jáne de sol tehnologııany jetik meńgergen mamandardy daıarlaý. Bul, túptep kelgende, halyqtyń hal-ahýalyn barynsha jaqsartýǵa baǵyttalǵan baǵdarlama ekendiginde shúbá joq.

Seısenbi, 21 mamyr 2013 1:09

Elimizdiń 2011-2013 jyldarǵa arnalǵan «Salamatty Qazaqstan» baǵdarlamasynyń basty maqsaty – medısınalyq mekemelerdi sońǵy úlgidegi tehnologııamen jabdyqtaý jáne de sol tehnologııany jetik meńgergen mamandardy daıarlaý. Bul, túptep kelgende, halyqtyń hal-ahýalyn barynsha jaqsartýǵa baǵyttalǵan baǵdarlama ekendiginde shúbá joq.

Respýblıkada ásirese qan aınalymy júıesi aýrýlarynyń ishinde júrek qan tamyrlary dertteriniń keń taraǵany ári ólim-jitimniń kóbeıýi qoǵamdy alańdatyp otyrǵany belgili. Sońǵy jyldary jańa tehnologııany engizý, bilikti mamandar daıarlaý nátıjesinde bul aýrýlarmen kúrestiń de qarqyn ala bastaǵany seziledi. Júrek-qan tamyrlary aýrýlarynyń ishinde qoǵamymyzda eń kóp kezdesetin aýrýlar – stenokardııa, ateroskleroz, ıshemııa, mıkrokard ınfarktisi  sııaqty túrleri dendep tur. Qazaqstan osy aýrýlar boıynsha ólim-jitim jaǵynan TMD elderiniń ishinde birinshi orynda eken. Árıne, ókinishti…

Elimizde medısınanyń osy zamanǵy dıagnostıkalaý jáne emdeý qondyrǵylary paıdalanylyp, jańa tehnologııalardy ıgerýdiń nátıjesinde sońǵy besjyldyqta onkologııalyq aýrýlardyń bir­shama turaq­talǵanyn atap ótýge bolady.

Osy oraıda, Qazaqstan Res­pýblıkasy Prezıdenti Is bas­qar­­masynyń Medısınalyq orta­lyǵynda kóńil súısinter ister atqarylyp, kópshilik tarapynan alǵysqa kenelýde.

Medısınalyq ortalyq jú­ıesiniń qalyptasýy 1929 jy­ly bastalǵan. Onyń negizgi mindetteri – tirkelgen quramnyń densaýlyǵyn nyǵaıtý jáne saqtaý, sanatorıılik-epı­demıologııalyq qaýipsizdigin qamtamasyz etý sharalaryn uıym­dastyrý. Ortalyq quramyna kire­tin aýrýhanalar medısınanyń barlyq salasy boıynsha emdeý-saýyqtyrýdyń san alýan qyzmetin kórsetedi. Medısınalyq ortalyqtyń jú­ıesine Almaty qalasyndaǵy QR PIB MO Ortalyq klınıkalyq aýrýhanasy men «Almaty» sana­torııi enedi.

Qazaqstan Respýblıkasy Prezı­denti Is basqarmasy Medı­sınalyq ortalyǵynyń «Almaty» sanatorııi» AQ-tyń irgesi 1967 jyly qalandy. Al 2010 jyly kóp baǵdarly emdeý mekemesinen qonaqúı, emdeý, t.b. qyzmetteriniń qazirgi zamanǵy talaptaryna saı keletin shıpajaı retinde qaıta uıymdastyryldy. Shıpajaı Almaty qalasynan 3 shaqyrym qashyqtyqta. Ile Alataýynyń bókterinde, teńiz deńgeıinen 1052 shaqyrym bıiktikte ornalasqan. Kýrort tynys alý, as qorytý, qan aınalymy, júıke júıesi, nesep-jynystyq jáne súıek-bulshyq et júıeleriniń aýrýlaryn emdeý men ońaltý boıynsha qyzmet kórsetedi.

«Almaty» saýyqtyrý SPA shıpajaıy qazirgi zamanǵy me­dısınalyq quraldarmen jab­dyqtalǵan. Shıpa­jaı aýmaǵynda tennıs korttary, rolık tebýge arnalǵan jáne ámbebap sport alańdary  demalýshylardyń kóńi­linen shyǵyp,  taza aýamen tynystaýyna tolyq múmkindik bar.

Qazirgi ýaqytta Qazaqstan Res­pýblıkasy Prezıdenti Is bas­­qarmasy Medısınalyq orta­lyǵynyń «Al­maty» sanatorııin «Qurmet» ordeniniń ıegeri, Mem­­lekettik syı­lyqtyń laý­rea­ty, Qazaqstannyń eńbek sińir­­gen qaıratkeri, medısına ǵy­lymdarynyń doktory, professor Bekmahan Sybanbaıuly Qural­baev basqarady.

Ǵalym QURASh,

ardager jýrnalıst.