Qaladaǵy alǵashqy iQala qalalyq qyzmetter ortalyǵy Nur-Sultan ákimdiginiń bastamasymen QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń qoldaýymen «Astana – adaldyq alańy» jobasynyń aıasynda quryldy. Bastamany «Astana» ÁKK» AQ júzege asyryp otyr.
Ortalyqtyń ashylý saltanatyna kelgen qala ákimi Baqyt Sultanov pen agenttik basshysy Alık Shpekbaev jańa ortalyqtyń tehnıkalyq múmkindikterimen tanysyp, turǵyndardyń barlyq sanattaryna qolaıly ári jaıly bolatyn jaǵdaılardy baǵalady.
«Astana – adaldyq alańy» jobasynyń aıasynda jemqorlyqtyń aldyn alý maqsatynda taǵy bir mekeme qurylyp otyr. Munda qala turǵyndaryna «bir tereze» qaǵıdaty boıynsha túrli qyzmetter kórsetiletin bolady. Bul ortalyqtyń IQala dep atalýy ıntellektýaldylyǵyn bildiredi. Endigi «bir tereze» qaǵıdatymen shektelip qalmaı memlekettik qyzmettiń sapasyn arttyrý boıynsha tıisti jumystar atqarylady. Bul baılanystardy barynsha azaıtýdy, túrli qyzmetterdi, konsýltasııalar men ruqsattardy alýdy barynsha jedeldetýdi kózdeıtin ózdiginen damıtyn zııatkerlik júıe bolady. Mundaı júıeler kásipkerlerge óz shyǵyndaryn tómendetýge múmkindik beredi, bul baǵaǵa, tarıfterge jáne jobalardyń sońǵy qunyna áser etedi», – dedi qala basshysy Baqyt Sultanov.
«Astana – adaldyq alańy» jobasy 2018 jyly sáýlet, qala qurylysy jáne jer qatynastary máseleleri boıynsha usynylatyn qyzmetterdiń bıznes-prosesterine taldaý jasaǵan bolatyn.
«Nátıjeler osy salada kórsetiletin qyzmetter qosarlanǵan qujattar aınalymyna, qyzmet alýshymen tikeleı baılanys jasaýǵa, kóptegen ákimshilik tosqaýyldarǵa, qyzmet kórsetýdiń uzaq merzimdiligi men tártipterdiń oryndalmaýyna jáne turǵyndar úshin jaısyzdyq týǵyzatyn jaǵdaılarǵa ıe ekendigin kórsetti», – dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń astanalyq departamentiniń basshysy Jazıra Jylqyshıeva.
Ol sondaı aq, ótken jyldyń shilde aıynda osy joba boıynsha birińǵaı ortalyq qurý jáne onda qyzmet kórsetetý prosesine qatysatyn barlyq mekemelerdi toptastyrý týraly bastama kótergendigin atap ótti. iQala – qala bıligi men turǵyndarynyń ara-qatynasynyń jańa formaty.
iQala front-ofısi atqarýshy organdar men kommýnaldyq jáne mýnısıpaldyq qyzmetterdiń, kásipkerlikti damytý jáne qoldaý ınstıtýttarynyń qyzmetterin bir jerge toǵystyryp, turǵyndarǵa «bir tereze» negizinde qyzmet kórsetedi.
Alańnyń maqsaty – turǵyndar men ShOB ókilderiniń memlekettik jáne memlekettik emes qyzmetterdi alý prosesterin meılinshe jeńildetý.
Bolashaqta ortalyqta 25 kompanııa toptastyrylyp, barlyǵy 130 qyzmet kórsetiledi. iQala jobasynyń aıasynda arnaıy ınternet-portal jáne mobıldi qosymsha jumysyn bastap, olardyń kómegimen qala qyzmetterin online rejimde alýǵa múmkindik týady.
«iQala jumysynyń nátıjesinde astanalyq mekemelerdiń qyzmet kórsetý tıimdiligi artady, qyzmet kórsetý prosesteri jeńildetiledi, barlyq qyzmet kórsetý prosesi ashyq ári aıqyn bolady», – dep atap ótti «Astana» ÁKK» AQ Basqarma tóraǵasynyń birinshi orynbasary Temirlan Nurǵısaev.
iQala qalalyq qyzmet kórsetý ortalyǵynyń front-ofısi jumys kúnderi saǵat 09:00- 18:00-ge deıin Qoshqarbaev dańǵyly, 29 úı meken-jaıy boıynsha qyzmet kórsetedi. Qalalyq qyzmet kórsetý ortalyǵynyń jumysyna qatysty týyndaǵan suraqtar boıynsha 109 qalalyq birińǵaı baılanys ortalyǵyna habarlasýǵa bolady.