Senbi, 23 aqpan 2013 7:15
Qalyń qar qursaýynda qaldyQarly boran AQSh-tyń birqatar shtattaryn qalyń qarǵa bóktirip, problemalar týyndatty. Amerıkalyq BAQ-tardyń aqparattaryna qaraǵanda, qalyń qar men muzdy jaýyn Kolorado, Illınoıs, Mıssýrı, Kanzas, Arkanzas, Aıova shtattaryn qursaýǵa alǵan.
Senbi, 23 aqpan 2013 7:15
Qalyń qar qursaýynda qaldyQarly boran AQSh-tyń birqatar shtattaryn qalyń qarǵa bóktirip, problemalar týyndatty. Amerıkalyq BAQ-tardyń aqparattaryna qaraǵanda, qalyń qar men muzdy jaýyn Kolorado, Illınoıs, Mıssýrı, Kanzas, Arkanzas, Aıova shtattaryn qursaýǵa alǵan.
Osy shtattardyń birqatarynda qardyń qalyńdyǵy 40 santımetrden asqan kórinedi. Aýa raıynyń qıyndyǵyna baılanysty mektep oqýshylary sabaqtan bosatylǵan, biraz shtattarda memlekettik mekemeler ýaqytsha jumys istemeı tur. Avtokólik magıstraldarynda da kólik qozǵalysyna shekteý qoıylǵan. Júzdegen avıareısterdiń ushýy keıinge qaldyryldy. Birneshe adam qaza tapty degen derekter bar.
Beıbit turǵyndar qaza taptyÚndistannyń ońtústigindegi Haıdarabad qalasynda bolǵan eki terrorlyq áreket saldarynan 20 adam opat bolyp, 82 adam jaralandy. Jergilikti polısııanyń málimetteri boıynsha, jarylystar batystyń iri kompanııalarynyń ofısteri ornalasqan ákimshilik ortalyǵynda jasalǵan.Kýágerlerdiń aıtýynsha, alǵashqy jarylys kıno kórsetilimi bitip, kórermender kınoteatr esiginen shyǵa bastaǵanda bolǵan. Al jarylǵysh zat qoıylǵan ekinshi qondyrǵy kınoteatrǵa jaqyn mańdaǵy avtobýs aıaldamasynda iske qosylypty. Polıseılerdiń habarlaýynsha, jarylǵysh qondyrǵylary kóshede qaldyrylǵan velosıpedterge ornatylǵan eken. Bılik ókilderi muny terrorıstik áreket dep málimdedi.
Parlamentke kelýden nege bas tartty?AQSh-tyń Reseıdegi elshisi Maıkl Makfol óziniń Maksım Kýzmınniń ólimine baılanysty jaǵdaıdy talqylaýǵa shaqyrǵan Memlekettik dýmaǵa kelýden bas tartqanyn túsindirdi.Elshi óziniń paraqshasynda kelýden bas tartý sebebine qatysty «AQSh elshisi álemde shetel parlamentarııleri aldynda eshqashan túsinik bermeıdi, eger ol sol úshin parlamentke shaqyrtylsa da» dep jazǵan. Sondaı-aq dıplomat óziniń jaǵdaıdy talqylaýǵa kez kelgen adammen, onyń ishinde Memdýma depýtattarymen kezdesýge daıyn ekenin málimdegen. Atap óteıik, M.Makfoldy Memdýmanyń otbasy máseleleri jónindegi komıtetiniń tóraıymy E.Mızýlına shaqyrǵan edi.
Túsinik berýdi talap etti Ázerbaıjan prezıdentiniń ákimshiligi basshysynyń orynbasary Novrýz Mamedov ekinshi merzimge prezıdenttikke saılanǵan Armenııa basshysy Serj Sargsıanǵa quttyqtaý joldaǵany úshin Túrkııa prezıdenti Abdýlla Gúl óziniń kózqarasyn bildirýi tıis, dep málimdedi. Bul jóninde ázerbaıjandyq aqparat agenttikteri habarlady.«Maǵan baspasózden belgili bolǵanyndaı, Túrkııa prezıdenti Abdýlla Gúl Serj Sargsıanǵa quttyqtaý hat joldaǵan, – dep atap ótipti ol. – Bul jóninde mende naqty aqparat joq. Meniń bilýimshe, Túrkııa men Armenııa arasynda dıplomatııalyq qatynas áli ornamaǵan». Túrkııa basshysy Armenııa prezıdentine 20 aqpanda quttyqtaý joldaǵan kórinedi. Túrkııa Armenııanyń táýelsizdigin 1991 jyly resmı túrde tanyǵan. Biraq eki el arasynda áli kúnge deıin dıplomatııalyq qatynas ornaǵan joq. Onyń ústine 1993 jyldan beri bul memleketterdiń shekaralary jabyq tur.
Egıpette taǵy da saılaý ótediEgıpet prezıdenti Mohammed Mýrsı eldegi parlamenttik saılaý 27 sáýirde bastalatynyn jarııalady. «Reıter» agenttiginiń habarlaýynsha, parlamenttiń tómengi palatasynyń saılaýy tórt kezeńde ótedi. Ár kezeńde el aýmaǵyndaǵy jekelegen aımaqtardyń saılaýshylary daýys beredi.Parlamenttik saılaý maýsym aıynda aıaqtalady, al parlamenttiń jańa quramynyń otyrysy 6 shildede ótýi tıis. Osynyń aldyndaǵy parlamenttik saılaý 2011 jyldyń qarashasynan 2012 jyldyń qańtaryna deıin sozylǵan edi. Parlamenttiń joǵarǵy palatasy – konsýltatıvtik keńes 21 aqpanda saılaý týraly zańǵa engizilgen ózgeristerdi maquldady. Endi ony 25 aqpanǵa deıin el prezıdenti bekitýi qajet.
Chavestiń densaýlyǵy jaqsarmaı tur«Reıter» aqparat agenttiginiń habarlaýynsha, osydan eki aıǵa jýyq buryn Kýbada operasııa jasatqan Venesýela prezıdenti Ýgo Chavestiń densaýlyq jaǵdaıy áli de jaqsy emes. Tynys alýynda problema bar.«Prezıdenttiń tynys alýy qalypty emes. Bul operasııadan keıingi asqynýǵa baılanysty. Áli de emdelýdi qajet etedi», delingen Venesýela úkimetiniń resmı málimdemesinde. Ýgo Chaves 18 aqpanda Kýbadan óz eline oralǵan bolatyn. Operasııa jasar aldynda ol óziniń murageri retinde vıse-prezıdent Nıkolas Madýrony ataǵan edi. Ekvador prezıdenti R.Korrea «eger Chaves prezıdenttik mindetti qoıatyn bolsa, eldi basqarýǵa vıse-prezıdenttiń shamasy tolyq jetedi» degen kórinedi.
Qysqa qaıyryp aıtqanda:
*Qytaı úkimeti sý ústinde júretin atom energetıkalyq qondyrǵysy bar keme jasaý baǵdarlamasyn resmı túrde bekitti. Onda ıadrolyq reaktordyń jańa túri ornalastyrylady.
*Keshe Tbılısıde bireýler sport jáne jastar isi mınıstrliginiń qyzmetkeri Devı Sıradzeni atyp ketken. Oqıǵa burynǵy sport mınıstriniń páterinde bolǵan.
*London soty toǵyz brıtandyqty terrorlyq áreket jasaýǵa daıyndalǵan dep tanydy. Olar 2011 jyly qyrkúıekte ustalǵan edi.
*Kýbanyń Reseıge jalpy kólemi 30 mıllıard dollardan asatyn qaryzyn Reseı birtindep joıatyn boldy. Bul jóninde Reseıdiń saýda jáne ónerkásip mınıstri D.Mantýrov málimdedi.
Internet materıaldary negizinde ázirlendi.