Senbi, 2 naýryz 2013 8:19
Rım papasy qasıetti taǵymen qoshtasty
Rım papasy Benedıkt HVI qasıetti taǵynan ketti. Endi ol ómiriniń sońyna deıin «qurmetti pontıfık» degen laýazymmen júredi.
Senbi, 2 naýryz 2013 8:19
Rım papasy qasıetti taǵymen qoshtasty
Rım papasy Benedıkt HVI qasıetti taǵynan ketti. Endi ol ómiriniń sońyna deıin «qurmetti pontıfık» degen laýazymmen júredi.
«Reıter» aqparat agenttiginiń habarlaýynsha, jergilikti ýaqyt boıynsha saǵat 20.00-de Rım qalasynyń janyndaǵy Kastel Gandolfo atalatyn papa saraıynyń aldynda turatyn shveısarııalyq ulandar (gvardııa) qaraýyly rezıdensııany qaldyryp, Vatıkanǵa oralǵan. Bul pontıfık ókilettiginiń aıaqtalǵanyn bildiredi. Osyǵan baılanysty birneshe resmı rásim jasaldy. 28 aqpanda erteńgilik Benedıkt HVI papa retinde sońǵy ret Vatıkanda 100-den astam kardınaldarmen kezdesti. Odan keıin ol ushaqpen Kastel Gandolfo saraıyna keldi. Pontıfık endi osynda turatyn bolady.
Durysy qaısy, burysy qaısy?
Venesýelanyń vıse-prezıdenti Nıkolas Madýro prezıdent Ýgo Chaves óz densaýlyǵyn el halqynyń ál-aýqatyn jaqsartý jolynda úzdiksiz jumys istegenine baılanysty aýyrlatty dep málimdedi. Bul jóninde «Frans-press» agenttigi habarlady.
Madýronyń málimdemesine qaraǵanda, Ý.Chaves uzaq ýaqyt boıy óziniń densaýlyǵyn oılamaǵan, «ol óziniń denesi men janyn eldi damytýǵa arnady». Nıkolas Madýro, sondaı-aq, Chavestiń qazirgi kezdegi jaǵdaıyn da atap ótken. Onyń aıtýynsha, prezıdent óziniń ómirimen kúresý ústinde, oǵan kómek kórsetilip jatyr. Onyń bul málimdemesi Panama elshisi G.Kochestiń málimdemesine qatysty jasalsa kerek. О́ıtkeni, 27 aqpanda elshi Ýgo Chaves hal ústinde jatyr dep málimdegen bolatyn.
Qalqymaly meıramhana sýǵa batyp ketti
«Frans-press» agenttiginiń taratqan aqparattaryna qaraǵanda, keshe túnde Baǵdad qalasynyń ortalyǵynda Tıgr ózenindegi qalqymaly meıramhana sýǵa batyp ketken.
Baǵdad ákimshiliginiń málimetteri boıynsha, meıramhana bortynda 150-deı adam bolǵan. Olardyń kópshiligi Irak azamattary kórinedi. Oqıǵa kezinde bes adam qaza boldy degen derek bar. Al kýveıttik KUNA aqparat agenttigi 15 adam qaza tapty degen málimet keltiredi. Meıramhananyń ne sebepten sýǵa batyp ketkeni qazirge belgisiz. Jergilikti bılik onyń dıversııalyq áreket ekenin joqqa shyǵaryp otyr.
Qysqa qaıyryp aıtqanda:
Iýlııa Tımoshenkonyń qorǵaýshysy, «Batkıvshına» partııasynan Ýkraınanyń Joǵarǵy radasyna saılanǵan Sergeı Vlasenkony depýtattyq mandattan aıyrdy.
Keshe Japonııa soty amerıkalyq eki teńizshiniń birin 10 jylǵa, ekinshisin 9 jylǵa túrmege otyrý jazasyna kesti. Olar Okınava aralynyń 27 jastaǵy turǵynyn tonady jáne zorlady dep aıyptalǵan bolatyn.
Italııanyń burynǵy premer-mınıstri S.Berlýskonıge sybaılas jemqorlyq kúdigi boıynsha qylmystyq is qozǵaldy. Ol senator Serdjo de Gregorıony 3 mıllıon evro tólep, «satyp alǵan» kórinedi.
Memlekettik hatshy D.Kerrı AQSh Sırııanyń kóterilisshilerine 60 mıllıon dollar kóleminde kómek beretinin málimdedi.
Kólikten de, kúzetten de bas tartty
Grýzııa prezıdenti Mıhaıl Saakashvılı prezıdentke arnalǵan brondy avtomobıldi paıdalanýdan bas tartty. Osyǵan qatysty memleket basshysynyń ákimshiligi málimdeme jasaǵan.
«Novostı Grýzııa» agenttiginiń habarlaýynsha, prezıdent brondy avtomobılden de, kúzet qyzmetinen de bas tartyp otyr. Endi ol óziniń jeke avtokóligimen júretin bolady. Málimdemede sondaı-aq «prezıdent ákimshiliginiń garajynan brondalǵan mashınalardy alyp ketýlerine bolatyny» da aıtylǵan. Saakashvılıdiń memlekettik kúzet qyzmetinen bas tartqany jónindegi aqparat budan úsh-tórt kún buryn shyqqan bolatyn. Kúzet qyzmetiniń shtatynda 350 adam bar eken, al onyń bıýdjeti 4,2 mıllıon dollar kórinedi.
Jańa zań jobasyn usyndy
Keshe Reseı prezıdenti Vladımır Pýtın Memlekettik dýmaǵa parlamenttiń tómengi palatasyna aralas saılaý júıesin engizýge qatysty zań jobasyn usyndy. Bul jóninde Kremldiń saıty habarlady.
Zań jobasyna sáıkes 225 depýtat partııalyq tizim boıynsha, al taǵy 225 depýtat bir mandatty okrýgter boıynsha saılanatyn bolady. Kandıdattyqqa saıası partııalarmen qatar, ózin ózi usyný jaǵy da qarastyrylǵan. Federaldyq tizimge bir mandatty okrýgter boıynsha partııalar usynǵan kandıdattar da engizilýi múmkin. О́zin ózi usynatyndar jalpy saılaýshylardyń kem degende 0,5 paıyz qolyn jınaýy qajet. Eger okrýgte 100 myńnan kem emes saılaýshy turatyn bolsa, jınalǵan qol sany 500-den kem bolmaýy tıis. Reseıde mundaı saılaý júıesi buryn da bolǵan.
Germanııa da ásker jiberetin boldy
Germanııa parlamenti 350 áskerı qyzmetshini Malıge jiberý jónindegi jospardy maquldady. Onyń 180-i Eýroodaqtyń jedel toptarymen birge Malı armııasynyń áskerlerin úıretýge qatysady. Taǵy 150 áskerı qyzmetshi áýe tasymaly jáne janarmaı quıý jumystaryn atqarady.
Nemis áskerıleri soǵys qımyldaryna qatyspaıdy. Qańtar aıynyń ortasynda Malıge eki áskerı-kólik ushaǵyn jibergen edi. Budan bólek gýmanıtarlyq kómek retinde afrıkalyq osy elge 1 mıllıondaı evro bólgen bolatyn. Germanııa búginge deıin Malıge áskerı qımyldarǵa qatysatyn áskerler jiberýden bas tartyp kelgen-di.
Internet materıaldary negizinde ázirlendi.