Polshanyń Gdansk qalasynda olımpıada chempıony Zygmýnt Hyhlany eske alýǵa arnalǵan halyqaralyq týrnır aıaqtaldy. Sharshy alańda Reseı, Belarýs, Ýkraına, Fransııa, Germanııa, Slovakııa, Vengrııa, Gollandııa, Polsha, Chehııa, Latvııa men Qazaqstannan barǵan 97 boksshy júldelerge talasty.
Bizdiń bylǵary qolǵap sheberleri eki altyn jáne úsh kúmis medal jeńip aldy. Samat Jetibaev (52 kg) pen Nurlan Sabırov (81 kg) týrnırdiń jeńimpazdary atansa, Nurym Dilshat (64 kg), Máýlen О́skenbek (69 kg) jáne Daryn Imahanov (75 kg) kúmis júldegerler atandy.