Sársenbi, 3 sáýir 2013 2:15
Erekshe jaǵdaıǵa keltirildi Keshe Amerıka Qurama Shtattary Ońtústik Koreıanyń ońtústik-batys jaǵalaýyna eskaderııalyq mına tasymaldaýshylaryn ornalastyrdy. Bul jóninde «Frans-press» aqparat agenttigi habarlady.
Sársenbi, 3 sáýir 2013 2:15
Erekshe jaǵdaıǵa keltirildi Keshe Amerıka Qurama Shtattary Ońtústik Koreıanyń ońtústik-batys jaǵalaýyna eskaderııalyq mına tasymaldaýshylaryn ornalastyrdy. Bul jóninde «Frans-press» aqparat agenttigi habarlady.
KHDR memlekettik buqaralyq aqparat quraldarynyń jazýyna qaraǵanda, Soltústik Koreıa bıligi túbektegi jaǵdaıǵa baılanysty eldiń qarýly kúshteri erekshe jaǵdaıǵa keltirilgen. Onyń ishinde 2007 jyly «tumshalanǵan» Ionbendegi ıadrolyq reaktory da qaıta iske qosylýy múmkin. Resmı Seýl soltústikkoreıalyqtardyń bul áreketin arandatý dep baǵalap, oǵan qarsy jaýap qaıtarýǵa daıyn ekendikterin málimdedi.
Eki jyldan soń qaıtardyBelorýssııa memlekettik qaýipsizdik komıteti oppozısıoner Anatolıı Lebedkoǵa 10 myń dollardy qaıtardy. «Hartııa 97» agenttiginiń habarlaýynsha, bul qarjy odan osydan eki jyl buryn «kámpeskelenip» alynǵan eken.Derek kózderine qaraǵanda, 2010 jyly ótken prezıdenttik saılaýda, onyń nátıjesine kóńili tolmaǵan oppozısıonerler ereýilge shyqqan. Onyń sońy tártipsizdikterge ulasqan. Al sol jyldyń jeltoqsanynda eldiń arnaıy qyzmet organdary A.Lebedkonyń páterine tintý júrgizgen kórinedi. Álgi 10 myń dollar sonda tárkilengen eken.
Qorǵaımyn dep soqqyǵa jyǵyldyKeshe Qyrǵyzstan joǵarǵy sotynda advokat Shamshıdın Nııazalıev soqqyǵa jyǵyldy. Bul jóninde «Ferǵana» aqparat agenttigi habarlady.Derek kózderine qaraǵanda, tegi ózbek bolyp tabylatyn oǵan sot otyrysy barysynda ondaǵan adam qoqan-loqy kórsetken. Qaǵazdaryn tartyp alyp, jyrtyp tastaǵan. О́kinishtisi, oǵan eshkim arasha túspegen. Shamshıdın Nııazalıev Qyrǵyzstandaǵy ózbek dıasporasynyń quqyǵyn qorǵaýshy bolyp tabylady.
Londondaǵy zıratqa jerlenediReseılik kásipker Borıs Berezovskıı Ulybrıtanııadaǵy Gannersberı zıratyna jerlenetin boldy. Bul jóninde kásipkerdiń jaqyn týystary habarlaǵan.Keıbir aqparat quraldarynyń derekterine qaraǵanda, Berezovskııdiń týystary, onyń ishinde anasy burynnan Batysta turyp keledi. Gannesberı zıratynda Berezovskııdiń jaqyn dosy Aleksandr Pıatıgorskıı jerlengen eken. Búginde Borıs Berezovskııdiń ólimine baılanysty ártúrli pikirler aıtylýda. Derekter onyń asylyp ólgenin, oǵan qandaı da bir kúsh qoldanylmaǵanyn alǵa tartady.
Eki aptadan keıin qaıta jalǵastyKıprdiń qor bırjasy eki aptalyq úzilisten keıin jumysyn qaıta jalǵastyrdy. Aqparattar boıynsha alǵashqy mınótte nebári 0,16 eýroǵa bir ǵana mámile jasalǵan.Kıprdiń qor bırjasy ondaǵy banktermen bir kúnde jabylǵan bolatyn. Al bankter ótken aptanyń sońynda qaıta ashylǵan edi. Qarjylyq qıyndyqtarǵa baılanysty bul eldiń bankomattarynan kúnine 300 eýrodan astam aqsha alýǵa bolmaıdy. Bul jaǵdaı osy aıdyń ortasyna deıin sozylatyn sııaqty.
Elshi qyzmetine usyndyAQSh prezıdenti Barak Obama eldiń burynǵy prezıdenti Djon Kennedıdiń qyzy Kerolaındy AQSh-tyń Japonııadaǵy elshisi qyzmetine usyndy. Ol AQSh-tyń Japonııadaǵy elshisi Djon Rýsty almastyratyn bolady.Kerolaın Kennedı advokat jáne ol jazýshy, kópten beri kommersııalyq uıymdarda jumys istep keledi. Sondaı-aq, ol 2008 jylǵy prezıdenttik saılaýda Barak Obamany qoldaǵan. K.Kennedı 1963 jyly atyp óltirilgen Djon Kennedıdiń birden-bir murageri bolyp tabylady.
Qysqa qaıyryp aıtqanda:*Polshada qalyń qar túsýi saldarynan 100 myńnan astam adam elektr jaryǵynsyz qaldy.* Ýkraınalyq oppozısıonerler Joǵarǵy Rada ǵımaratynyń aldynda sherý ótkizdi. Talaby – Kıev qalasy meriniń saılaýyn 2 maýsymǵa taǵaıyndaý.* О́tken naýryz Sırııadaǵy eń qantógisti aı dep tanyldy. Osy aıda 6 myńnan astam adam mert bolǵan.*Venesýela túrmesindegiler túrli-tústi mýzykamen bezendirilgen «túngi klýb» ashypty. Onyń ashylýyna sottalǵandardyń týystary qatysqan kórinedi.
Internet materıaldary negizinde ázirlendi.