Senbi, 13 sáýir 2013 1:13
Mýrsı bedelin joǵalta bastady
Egıpet prezıdenti Mohammed Mýrsıdiń bedeli naýryz aıynda barynsha tómendegen. Ony Baseera egıpettik qoǵamdyq pikirdi zertteý ortalyǵy júrgizgen jańa saýalnama dáleldep otyr.
Senbi, 13 sáýir 2013 1:13
Mýrsı bedelin joǵalta bastady
Egıpet prezıdenti Mohammed Mýrsıdiń bedeli naýryz aıynda barynsha tómendegen. Ony Baseera egıpettik qoǵamdyq pikirdi zertteý ortalyǵy júrgizgen jańa saýalnama dáleldep otyr.
27-28 naýryzda telefon arqyly júrgizilgen saýalnama egıpettikterdiń 47 paıyzynyń Mýrsıdiń is-áreketterin teris baǵalaıtynyn kórsetken. Ol bılikte bolǵan alǵashqy júz kúnde bul kórsetkish 78 paıyz deńgeıinde bolatyn. Sol sııaqty zertteý nátıjeleri joǵary bilimdi adamdardyń ortadan joǵary emes bilimi bar adamdarǵa qaraǵanda prezıdent jumysyn aıtarlyqtaı tómen baǵalaıtynyn kórsetken. Sonymen birge, saýalnama nátıjeleri búginde is basyndaǵy prezıdentke balama joq ekenin, áli de onyń kópshiliktiń qoldaýyna ıe bolatynyn da kórsetip bergen.
Ereýilshi stýdentter qamaýǵa alyndy
Chılıde eldegi bilim berý júıesine qarsy narazylyq aksııasyna qatysqan júzden astam adam qamaýǵa alyndy. Buqaralyq aqparat quraldarynyń habarlaýynsha, ereýilge shamamen 150 myńdaı adam qatysqan.
Aksııa alǵashynda beıbit sıpatta bolǵanymen, keıin kele betterin baılap alǵan jastar polıseılerge tas jáne basqa da zattar laqtyrǵan. Osydan keıin quqyq qorǵaý qyzmetkerleri gaz jáne sý atqysh qoldanǵan. Sóz oraıynda Chılıde oqýshylar men stýdentter narazylyqtarynyń 2011 jyldyń kókteminen beri jalǵasyp kele jatqanyn aıta ketý qajet. Ereýilshiler elde Pınochet rejiminen keıin saqtalyp qalǵan joǵary bilim berý júıesin reformalaýdy talap etýde.
Prezıdent jemqorlyqqa qarsy kúres ashty
Fransııa prezıdenti Fransýa Olland búkil álemdegi jeńildikti salyq salý aımaqtaryn joıýǵa shaqyrdy. Ol mundaı málimdemeni elde moraldyq standarttardy bekitý týraly úkimettik zań jobasyn ulttyq jınalysqa engizgennen keıin jasady.
Prezıdent atap kórsetkendeı, Fransııada sybaılas jemqorlyqpen jáne qarjylyq alaıaqtyqtarmen kúresetin jańa ortalyq agenttik qurylatyn bolady. 15 sáýirge deıin úkimettiń barlyq mınıstrleri jańa qarjy tártibin engizý naýqany sheńberinde ózderiniń jeke jaǵdaılary týraly málimetterdi deklarasııalaýǵa mindetti. Sol sııaqty fransýz bankteri jyl saıyn ózderiniń búkil álemdegi fılıaldarynyń tolyq tizimin jáne olardyń qyzmeti týraly málimetterdi jarııalap turýy tıis.
Bolashaqty boljaıtyn mashına oılap tapty
Iran Islam Respýblıkasy ǵylym men tehnıkadaǵy jetistikterimen planetany tańǵaldyrýyn jalǵastyrýda. Tegerannyń atom energetıkasyn damytýda erekshe tabystarǵa jetkeni belgili. Taıaýda ǵana ırandyq maımyldyń ǵaryshqa ushqany týraly aıtylǵan bolatyn. Endi kezekti sensasııa paıda boldy.
Irandyq ǵalym óziniń bolashaqty boljaýǵa qabiletti qural oılap tapqanyn málimdep otyr. Onyń óz jańalyǵyna qatysty alǵan patentinde dál solaı dep atap kórsetilgen. О́nertapqysh Álı Razegı Irannyń memlekettik patent bıýrosy – Strategııalyq zertteýler ortalyǵynan «Ýaqyt mashınasyn» oılap tapqany úshin patent alǵan. Álıdiń aıtýynsha, onyń mashınasy kez kelgen adamnyń bolashaǵyn 98 paıyz dáldikke deıin aına-qatesiz aıtyp bere alady.
Kompıýter saýdasy 14 paıyzǵa quldyrady
InternationalDataCorporation saraptamalyq kompanııasynyń habarlaýynsha, derbes kompıýterler saýdasy ústimizdegi jyldyń birinshi toqsanynda 14 paıyzǵa qulaǵan. Bul 1994 jyldan bergi kompıýterge degen suranystyń eń alǵashqy tómendeýi bolyp otyr.
Atalǵan saraptamalyq kompanııa mamandary ony túrli elderdegi satyp alýshylardyń ózderiniń eskirgen derbes kompıýterlerin jańartýdyń ornyna planshetter men smartfondardy belsendi satyp ala bastaýymen túsindiredi. Sonymen birge sarapshylardyń boljamynsha, derbes kompıýterler baǵasynyń óse túsýi de olardyń satý kóleminiń qysqarýyna tikeleı áser etken bolýy múmkin.
Zymyran ushyrý keıinge qaldyryldy
Soltústik Koreıa Windows 8 basqarýyndaǵy baǵdarlamalyq qamtamasyzetýden týyndaǵan problemaǵa baılanysty orta qashyqtyqqa arnalǵan«Mýsýdan» ballıstıkalyq zymyranyn ushyrýdy keıinge qaldyrdy. Bultýraly KHDR aqparat agenttigine silteme jasaı otyryp New Yorkerjýrnaly habarlaǵan.
Basylym jýrnalısteriniń aıtýlarynsha, soltústikkoreıalyq zymyrandar taıaý ýaqyttarǵa deıin Windows-95 arqyly ushyrylyp kelgen. Biraq el basshylyǵy operasııalyq júıe nusqasyn jańartpaq bolǵan syńaıly. «Mýsýdannyń» endi qaı ýaqytta ushyrylatyny týraly ázirge habarlanǵan joq.
Adamdy kepildikke alamyn dep oqqa ushty
Amerıkanyń Djordjııa shtatyndaǵy Savanı qalasynda órt sóndirýshini kepildikke ustap turǵan er adamdy arnaýly bólim qyzmetkerleri atyp óltirgen. Bul týraly quqyq qorǵaý organdaryna silteme jasaı otyryp Assosheıtet Press agenttigi habarlaǵan.
Qylmyskerdiń nazaryn basqa jaqqa aýdarý úshin arnaıy jasaǵan jarylys saldarynan kepildegi adamdar jeńil ǵana jaraqattar alǵan kórinedi. Er adamnyń órt sóndirýshini nelikten kepildikke alǵany belgisiz kúıinde qalyp otyr. Bir belgilisi, oǵan buǵan deıin májbúrlep qonys aýdarý jáne elektr qýatyn ajyratý týraly usynys hat berilgen eken.
Fılıppınde kúshti jer silkinisi boldy
Fılıppınniń Lýson aralynyń soltústiginde beısenbi kúni magnıtýdasy 6,1 balldyq jer silkinisi boldy. Osy aýdanda taǵy da jer silkinisiniń oryn alýy múmkin degen qaýip bar.
Fılıppınniń výlkantaný jáne seısmologııa ınstıtýtynyń habarlaýyna qaraǵanda, jer silkinisiniń epısentri Basko qalasynyń soltústik shyǵysynda 40 shaqyrym qashyqtyqta bolǵan. Zilzala oshaǵy Fılıppın teńiziniń 25 shaqyrymdyq tereńdiginde jatqany da anyqtalyp otyr. Ázirge qurban bolǵandar men qıraǵan ǵımarattar týraly málimetter joq.
Internet materıaldary negizinde ázirlendi.